man allegedly hacked youth, तीन मुलींनंतर मुलगा झाला, म्हणून देवीला तरुणाचा बळी दिला! आरोपीच्या जबाबानं पोलीस सुन्न – man allegedly hacked youth to death as human sacrifice after birth of male child

बैकुंठपूर पोलीस ठाण्याच्या हद्दीत येणाऱ्या देवी मंदिराजवळ ६ जुलैला एका तरुणाचा मृतदेह सापडला होता. गळा कापून त्याची हत्या करण्यात आली होती. दुसऱ्या दिवशी त्याची ओळख पटली. मृत तरुणाचं नाव दिव्यांश कोल होतं. त्याचं वय १८ वर्षे होतं. तो क्वोंटीचा रहिवासी होता. पोलीस सातत्यानं या घटनेशी संबंधित संशयितांची माहिती गोळा करत होते. त्याचवेळी त्यांना रामलाल प्रजापतीची माहिती मिळाली. दिव्यांश बेपत्ता झाला, त्या दिवशी त्याला काहींनी रामलालसोबत पाहिलं होतं.
धक्कादायक! बलात्कार होताना पीडितेचा बापच करत होता व्हिडिओ शूट, आई होती राखणदार
संशय आल्यानं पोलिसांनी रामलालला ताब्यात घेतलं. त्याची चौकशीतून धक्कादायक माहिती उघडकीस आली. रामलालला तीन मुली होत्या. एक मुलगा व्हावा यासाठी तो देवीकडे नवस बोलला होता. त्याची मनोकामना पूर्ण झाली. मुलगा झाला, तर तुझ्यासमोर तरुणाचा बळी देईन असा नवस रामलालनं केला होता. मुलगा झाल्यानंतर रामलाल बळी देण्यासाठी तरुणाचा शोध घेऊ लागला.
विमानतळावर जोडप्याकडे सापडल्या ४५ हँडगन; शस्त्रास्त्र साठा पाहून कस्टम अधिकारीही चक्रावले
६ जुलैला रामलालला दिव्यांश दिसला. त्याला घेऊन रामलाल बढौआ गावातील देवीच्या मंदिरात घेऊन आला. हे मंदिर अतिशय निर्जनस्थळी आहे. याच ठिकाणी रामलालनं दिव्याशंचा गळा कुऱ्हाडीनं कापला. यानंतर रामलाल तिथून फरार झाला. आरोपी तांत्रिक म्हणून काम करत असल्याची माहिती पोलिसांनी दिली. त्यानं चौकशीदरम्यान सातत्यानं आपला जबाब बदलला. वारंवार वेगळी माहिती देऊन त्यानं पोलिसांची दिशाभूल करण्याचा प्रयत्न केला.