मुंबई: राष्ट्रीय लोकशाही आघाडीच्या राष्ट्रपतिपदाच्या उमेदवार द्रौपदी मुर्मू मुंबई दौऱ्यावर असून मुंबईत त्यांचे जंगी स्वागत करण्यात आले. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी मुर्मू यांचे स्वागत केले. यावेळी केंद्रीय मंत्री नितीन गडकरी आणि नारायण राणेंसह भाजप प्रदेशाध्यक्ष चंद्रकांत पाटील हे देखील उपस्थित होते. मुर्मू या आपल्या मुंबई दौऱ्यात आपल्या समर्थक खासदार आणि आमदारांशी संवाद साधणार आहेत. (draupadi murmu was given a warm welcome in mumbai in the traditional manner)

मुंबई दौऱ्यावर असलेल्या द्रौपदी मुर्मू खासदार आणि आमदारांच्या बैठकीला उपस्थित राहणार आहेत. शिवसेनेचे पक्षप्रमुख उद्धव ठाकरे यांनी मुर्मू यांना पाठिंबा दर्शवला आहे. मात्र, या बैठकीला उद्धव ठाकरे यांच्या शिवसेनेला निमंत्रण देण्यात आलेले नाही. हा शिवसेनेसाठी मोठा धक्का असल्याचे बोलले जात आहे. मुर्मू यांचा मुंबई दौरा यशस्वी करण्यासाठी भाजपने कंबर कसली असून, मूर्मू याच राष्ट्रपतिपदाची निवडणूक सहजगत्या जिंकून येतील असा संदेश भाजपने केलेल्या त्यांच्या स्वागताच्या माध्यमातून देशभरात देण्याचा प्रयत्न केल्याचे दिसून येत आहे.

क्लिक करा आणि वाचा- निवडणूक आयोगाचा मोठा निर्णय; ९२ नगरपरिषदा, ४ नगरपंचायतींच्या निवडणुका स्थगित

मुर्मू यांची भेट घेण्यासाठी भाजपचे खासदार आणि आमदारांसह शिंदे गटातील सर्व आमदार आणि खासदारही बैठकीला उपस्थित राहणार आहेत.

क्लिक करा आणि वाचा- बारामती ते देऊळगावराजा, निवडणुका स्थगित झालेल्या नगरपरिषदांची संपूर्ण यादी

draupadi murmu in mumbai

द्रौपदी मुर्मू यांचे मुंबईत पारंपरिक पद्धतीने स्वागत

मुर्मू यांचे मुंबईत पारंपरिक पद्धतीने स्वागत

राष्ट्रपतिपदाच्या उमेदवार द्रौपदी मु्र्मू यांचे मुंबईत पारंपरिक पद्धतीने स्वागत करण्यात आले. मुख्यमंत्री एकनाथ शिंदे आणि उपमुख्यमत्री देवेंद्र फडणवीस यांनी मुर्मू यांचे मुंबई विमानतळावर स्वागत केले. त्यानंतर त्या हॉटेलमध्ये पोहोचताच पारंपरिक पद्धतीने त्यांचे स्वागत करण्यात आले. यावेळी मुर्मू यांच्यासमोर अनेक पारंपरिक खेळ आणि कसरती सादर करण्यात आल्या.

क्लिक करा आणि वाचा- स्थानिक पातळीवर आघाडी करायची का? उद्धव ठाकरेंचं जिल्हाप्रमुखांना उत्तर

LEAVE A REPLY

Please enter your comment!
Please enter your name here