इंधनावर राज्य सरकारनं लावलेला कर ५० टक्क्यांनी कमी करा अशी मागणी विरोधात असताना भाजपचे नेते करत होते. तसा निर्णय आताच्या राज्य सरकारनं घेतला असता तर डिझेल ११ रुपयांनी आणि पेट्रोल १७-१८ रुपयांनी स्वस्त झालं असतं. मात्र त्यांनी तसा निर्णय घेतलेला नाही. विरोधात असताना मागण्या करायच्या आणि सत्तेत आल्यावर मात्र वेगळंच करायचं, हेच यातून दिसून येत असल्याचं पवार म्हणाले. सरकार बदलल्यानंतर आम्ही काहीतरी करत आहोत हे दाखवण्याचा केविलवाणा प्रयत्न शिंदे आणि फडणवीसांकडून सुरू असल्याची टीका त्यांनी केली.
द्रौपदी मुर्मू यांचे मुंबईत उत्साहात स्वागत; दौरा यशस्वी करण्यासाठी भाजपचे विशेष प्रयत्न
शिंदे आणि फडणवीस हे दोन जण महाराष्ट्राचे मालक झाले आहेत. सगळा भार या दोघांच्याच खांद्यावर आहेत. सरकारकडे १६५ आमदारांचं पाठबळ आहे. पण घोडं कुठे पेंड खात आहे? मंत्रिमंडळाचा विस्तार करायला सरकार का घाबरतंय? असे सवाल पवारांनी उपस्थित केले. सध्या राज्यातील अनेक जिल्ह्यांत पूरपरिस्थिती आहे. मंत्रिमंडळ असतं, पालकमंत्री असते तर पूरग्रस्तांना सक्षमपणे मदत करता आली असती, असं पवार म्हणाले.
