Deepak Kesarkar on Sharad Pawar : एकनाथ शिंदे गटाचे प्रवक्ते दीपक केसरकर यांनी शिवसेनेच्या फुटीमागं शरद पवार यांचा हात असल्याचं म्हटलं होतं. त्या वक्तव्यावरुन वाद निर्माण झाल्यानंतर पवार साहेब दुखावले असल्यास दिलगिरी व्यक्त करतो, असं केसरकर म्हणाले.

 

Deepak Kesarkar News
दीपक केसरकर

हायलाइट्स:

  • दीपक केसरकरांचं स्पष्टीकरण
  • शरद पवारांबद्दल अपशब्द वापरले नसल्याचा पुनरुच्चार
  • शिवसैनिकांवरही भाष्य
मुंबई : मी शरद पवार यांच्याबद्दल अपशब्द वापरले नाहीत. शिवसेनेत जी फूट पडली त्यासंदर्भात वस्तूस्थिती होती त्याचा उल्लेख केला होता. २०१४ मध्ये विधानसभा निवडणुकीनंतर शरद पवार यानी भाजपला बिनशर्त पाठिंबा दिल्यानं सेनेची बार्गेनिंग पॉवर कमी झालं होती. या सर्व घडलेल्या घटना आहेत,या घटनांचा आणि शरद पवार यांच्या बद्दल चुकीचं वक्तव्य करण्याचा काहीही संबंध येत नाही. ते महाराष्ट्राचे ज्येष्ठ नेते आहेत, त्यांच्याबद्दल महाराष्ट्राला आदर आहे. त्यांच्याबद्दल एखादा शब्द निघाला असेल तर त्याबद्दल मी दिलगिरी व्यक्त करतो, असं दीपक केसरकर म्हणाले. मी आजपर्यंत जी वक्तव्य केली आहेत ती तपासून पाहा. शरद पवार महाराष्ट्राचे भारताचे नेते आहेत. ते मला गुरुसमान आहेत, मी त्यांच्याबद्दल एकही चुकीचा शब्द बोललो नाही, लोकांना माझ्याविरुद्ध भडकवलं जात आहे. शरद पवार मला गुरुसमान आहेत, ते दुखावले असल्यास माफी मागतो. माझी वक्तव्य तपासून पाहा, तसं झालं असेल तर सार्वजनिक जीवनातून राजीनामा देईन, असं दीपक केसरकर म्हणाले.
‘रामसेतू’ दुभंगला!,वापरासाठी पूल बंद; सुरक्षेच्या कारणास्तव निर्णय
जितेंद्र आव्हाड मला नारायण राणेंच्या मुलांचा प्रचार करा हे सांगायला आले होते, ते शरद पवार यांचा निरोप घेऊन आले नव्हते. शरद पवार सावंतवाडीला आले त्यावेळी मी माझ्या मतदारसंघात होतो. मी राणेंच्या मुलांचा प्रचार करु शकत नाही हे सांगत मी माझा राजीनामा विधानसभा अध्यक्षांच्या नावानं शरद पवार यांच्याकडे दिला होता. शरद पवार यांनी माझा राजीनामा स्वीकारला नव्हता. त्यानंतर शरद पवार सिंधुदुर्गात आले होते पण त्यावेळी मला स्टेज येऊ नका असा निरोप देण्यात आला होता. पण, तो शरद पवारांनी दिला नव्हता, असं दीपक केसरकर म्हणाले. मी शरद पवार यांच्या घरी जाऊन दिलगिरी व्यक्त करेन, असं दीपक केसरकर म्हणाले.

कुटुंबाचे पोट भरण्यासाठी ते तिघे तृतीयपंथी बनले, मुंबईत आले अन् केला धक्कादायक प्रकार
उद्धव ठाकरे यांच्याबद्दल भाजपच्या लोकांनी बोलू नये, असं मी देवेंद्र फडणवीस यांच्यासमोर बोललो होतो. किरीट सोमय्या देखील आता उद्धव ठाकरेंबाबत बोलत नाहीत. निलेश राणे यांनी उद्धव ठाकरे यांच्याबद्दल प्रेम असेल तर मातोश्रीवर भांडी घासायला जा, असं म्हणाले. सिंधुदुर्गातील एकाही शिवसैनिकानं याबाबत आक्षेप घेतला नाही. आम्ही संघटनेत नेत्यावर निष्ठा ठेऊन काम करतो.बाळासाहेब ठाकरेंच्या प्रमाणं उद्धव ठाकरेंचं मोठेपण असावं. उद्धव ठाकरेंबाबत भाजप नेत्यांनी बोलू नये असं वाटणं ही माझी एकट्याची जबाबदारी नाही. तो विषय मी सोडून दिलेला आहे. मी काय उद्धव ठाकरेंचा प्रवक्ता नाही शिंदे साहेबांचा प्रवक्ता आहे. नारायण राणे खालून वर आलेले नेते आहेत, मला त्यांच्याशी काम करायला अडचण नसल्याचं दीपक केसरकर म्हणाले.
महाराष्ट्राच्या मुख्यमंत्र्यांचा असा अपमान कधी झाला नव्हता, त्यांची काळजी वाटते : सुप्रिया सुळे

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : deepak kesarkar said if sharad pawar hurt from my statement i will go to his home gave apology
Marathi News from Maharashtra Times, TIL Network

LEAVE A REPLY

Please enter your comment!
Please enter your name here