नेमकं काय घडलं?
‘दोन वेळा काही खाऊ शकता का तुम्ही?’ असा प्रश्न शर्मिला ठाकरेंनी ओवाळताना विचारला. त्यावर फडणवीस म्हणाले, की ‘हो अगदीच’. त्यानंतर शर्मिला यांनी देवेंद्र फडणवीसांचे औक्षण केले. त्यानंतर त्यांनी फडणवीसांना गोडाचा घास दिला, तोही त्यांनी खाल्ला. त्यानंतर ओवाळणीचं ताट ठेवण्यासाठी शर्मिला ठाकरे वळत होत्या, इतक्यात कोणीतरी त्यांना फोटोसाठी पोझ देण्यासाठी थांबण्यास सांगितलं. त्यामुळे त्या ‘सॉरी’ म्हणत थांबल्या. मात्र दिवा आपल्याकडे असल्याचं लक्षात येताच त्यांनी औक्षणाची थाळी फिरवली. या गडबडीमुळे शर्मिला ठाकरे, देवेंद्र फडणवीस आणि बाजूला उभ्या असलेल्या राज ठाकरेंच्या मातोश्रींनाही हसू आवरलं नाही.
पाहा व्हिडीओ :
राज्यात एकनाथ शिंदे आणि देवेंद्र फडणवीस यांच्या नेतृत्वाखालील सरकार स्थापन झाल्यानंतर राज ठाकरे यांनी नव्या सरकारला शुभेच्छा दिल्या होत्या. त्याआधी राज ठाकरे यांनी हिंदुत्वाचा झेंडा हाती घेतल्याने ते भाजपच्या बाजूने झुकल्याची चर्चा होतीच. शिंदे-फडणवीस सरकार स्थापन झाल्यानंतर त्यात मनसेला देखील वाटा मिळेल अशी चर्चा सुरू झाली होती. राज ठाकरे यांचे पुत्र अमित ठाकरे यांना मंत्रिपद दिले जाईल असे वृत्त समोर येत होते. अशाच आजच्या भेटीत दोन्ही नेत्यांमध्ये नेमकी काय चर्चा झाली यावर अनेक शक्यता वर्तवल्या जात आहेत.
हेही वाचा :
कालची बातमी खोटी होती
दरम्यान राज्य मंत्रिमंडळात अमित ठाकरेंचा समावेश केला जाईल ही बातमी खोटी होती असे एका वाक्यात सांगत राज ठाकरे यांनी विषय संपवला. गेल्या काही काळापासून मनसे आणि भाजपमधील जवळीक वाढत आहे. नुकत्याच झालेल्या राज्यसभा, विधानपरिषद, विधानसभा अध्यक्षपद निवडणूक आणि विश्वासदर्शक ठरावावेळी मनसेच्या आमदाराने भाजपला साथ दिली होती. त्यासाठी देवेंद्र फडणवीस यांनी विधानसभेत राज ठाकरे यांचे जाहीर आभार मानले होते. तसेच आपण लवकर त्यांची भेट घेऊन व्यक्तिशः आभार मानू, असेही म्हटले होते. त्यानुसार देवेंद्र फडणवीस बुधवारी राज ठाकरे यांच्या भेटीला जाणार होते. मात्र ती पुढे ढकलली गेली.
हेही वाचा :
