________________
रत्नागिरी नगर परिषदेच्या नगराध्यक्ष पोटनिवडणुकीच्या राजकीय आखाड्यात उभ्या असलेल्या राजकीय पक्षाच्या उमेदवारांच्या संपत्तीचा लेखाजोखा मांडण्यात आला आहे. यामध्ये शिवसेनेचे उमेदवार प्रदीप उर्फ बंड्या साळवी हे सर्वात श्रीमंत उमेदवार असून त्यांची एकूण मालमत्ता ३ कोटी ८४ लाखाच्या घरात आहे. तर दुसर्‍या स्थानी भाजपचे उमेदवार ऍड. दीपक पटवर्धन हे असून त्यांची मालमत्ता ३ कोटी १५ लाख ८३ हजार रु., राष्ट्रवादीचे मिलिंद कीर यांची ७१ लाख तर मनसेचे रूपेश सावंत यांची १० लाखाची मालमत्ता आहे.
