businessman killed himself, पत्नी आणि दोन मुलींची गोळ्या झाडून हत्या करून व्यापाऱ्याची आत्महत्या; परिसरात खळबळ – bodies of four members of family found in delhis jafrabad

जाफराबादमध्ये वास्तव्यास असलेल्या इसरार अहमद नावाच्या व्यक्तीनं त्याची पत्नी आणि दोन मुलींची गोळ्या झाडून हत्या केली. तिघांचा जागीच मृत्यू झाला. यानंतर इसरारनं स्वत:वर गोळी झाडून आत्महत्या केली. धक्कादायब बाब म्हणजे, यावेळी इसरारचे दोन मुलगे घराबाहेरच उपस्थित होते. मात्र इसरारनं त्यांना काहीच केलं नाही. पेशानं व्यापारी असलेल्या इसरारनं त्याची पत्नी आणि दोन मुलींचीच हत्या का केली, याचा तपास पोलीस करत आहेत.
मैत्री तोडल्यानं भडकला! आधी मित्रावर वार; मग स्वत:च्याच मानेवर सुरा फिरवून रस्त्यात बसला
आपल्याच कुटुंबातील सदस्यांवर, नातेवाईकांवर हल्ले केल्याच्या घटना याआधी दिल्लीत घडल्या आहेत. आता जाफराबादमधील घटनेमुळे दिल्लीत खळबळ माजली आहे. इसरारनं कोणत्या कारणांमुळे पत्नी आणि दोन मुलींची हत्या केली ते स्पष्ट झालेलं नाही. पोलीस या प्रकरणाचा तपास करत आहेत. तपास प्राथमिक टप्प्यात असल्यानं पोलीस फारशी माहिती देणं टाळत आहेत.
बाप रे बाप! चालकाच्या मृतदेहाजवळ सापडला मेलेला साप; पोलिसांच्या डोक्याला भलताच ताप
गेल्या दोन दिवसांत दिल्लीत गुन्हेगारीच्या मोठ्या घटना घडल्या आहेत. गुरुवारी मॉडर्न गढी परिसरात एका सरकारी शाळेत चाकूहल्ल्याची घटना घडली. मधल्या सुट्टीत मोहित नावाच्या विद्यार्थ्याचा त्याच्या वर्गातील विद्यार्थ्यासोबत वाद झाला. दोघांमध्ये हाणामारी झाली. त्यानंतर मोहितनं त्याच्याच वर्गात शिकणाऱ्या विद्यार्थ्यावर चाकू हल्ला केला. या हल्ल्यात तीन विद्यार्थी जखमी झाले. त्यांच्यावर एम्समध्ये उपचार सुरू आहेत.