Boris Johnson and Rishi Sunak : बोरिस जॉन्सन यांच्या कारभाराविरोधात नापसंती दर्शवत ऋषी सुनक यांनी राजीनामा दिला होता. त्यानंतर राजीनाम्याचं सत्र सुरु झाल्यानं जॉन्सन यांना राजीनामा द्यावा लागला होता.
हायलाइट्स:
- बोरिस जॉन्सन यांचा राजीनामा
- नव्या पंतप्रधान निवडीची प्रक्रिया सुरु
- ऋषी सुनक आघाडीवर
द टाइम्स या वृत्तपत्राच्या बातमीनुसार पंतप्रधानपदाच्या शर्यतीत मागं पडलेल्या उमेदवारांना बोरिस जॉन्सन यांनी आवाहन केलं आहे. माजी अर्थमंत्री ऋषी सुनक यांचं समर्थन करु नका, असं जॉन्सन यांनी सांगितलं आहे. सूत्रांच्या माहितीनुसार जॉन्सन हे परराष्ट्र मंत्री लिज ट्रुस यांना समर्थन देण्याच्या तयारीत आहेत. जॉन्सन यांचे सहकारी जॅकब रीस मोग आणि नैडीन डोरिस यांनी ट्रुस यांना अनुमोदन दिलं होतं. मात्र, पेनी मोरडाऊंट यांना देखील समर्थन देण्याची भूमिका जॉन्सन घेऊ शकतात.
विराटला कसलीही हमी वारंवार देण्याची गरज नाही; रोहित शर्माने ठणकावले!
गुप्त अभियान सुरु?
बोरिस जॉन्सन त्यांचं पद जाण्यासाठी ऋषी सुनक यांना जबाबदार धरत आहेत. ऋषी सुनक आणि साजिद जाविद यांनी राजीनामा दिल्यानंतर राजीनामे सुरु झाल्यानं जॉन्सन यांच्यावर राजीनामा देण्याची वेळ आली होती. हुजूर पक्षातील पंतप्रधान पदाच्या निवडीच्या प्रक्रियेत ऋषी सुनक आघाडीवर आहेत. जॉन्सन समर्थक नेत्यांकडून ऋषी सुनक यांना सर्व सत्तानाट्यासाठी जबाबदार धरलं जात आहे. त्याचवेळी साजिद जाविद यांच्याबद्दल त्यांनी भूमिका घेतलेली नाही. जॉन्सन यांच्याकडून सुनक यांच्या विरोधात गुप्त अभियान सुरु असल्याच्या चर्चा आहेत.
फुटीनंतरही भाजपसोबत तडजोड नाहीच? शिवसेनेचा मोदी सरकारवर पुन्हा थेट हल्ला
दरम्यान, बोरिस जॉन्सन यांच्या एका समर्थकानं यासंदर्भातील दावा फेटाळला आहे. मात्र, ऋषी सुनक यांच्या भूमिकेमुळं जॉन्सन नाराज असल्याचं त्यांनी मान्य केलं आहे. ऋषी सुनक यांचे समर्थक रिचर्ट होल्डेन यांनी आम्हाला आघाडी मिळेल, असा विश्वास व्यक्त केला आहे.
गुरूपौर्णिमेला फडणवीसांची भेट घेणाऱ्या शिवसेना नेत्याला उद्धव ठाकरेंकडून दणका
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Marathi News from Maharashtra Times, TIL Network
