मला माफ करा! दुसरा कोणताच पर्याय नाही!! अभिनेत्री केतकी माटेगावकरच्या चुलत भावाची आत्महत्या
अक्षयला असे कुठलेही टेन्शन नव्हते. सर्वांशी तो मोकळेपणाने बोलत होता. शिवाय त्याने दोन दिवसांपूर्वीच नवीन बाईक घेतली होती. कॉलेज जवळ असावं आणि अभ्यासात व्यत्यय येऊ नये यासाठी अक्षयने ५ मित्रांसह कॉलेजजवळ भाड्याने फ्लॅट घेतला. दोन दिवसांपूर्वी अक्षयची सगळी भावंडं घरी जमली आणि गायनाची प्रॅक्टिसदेखील केली. आमच्या घरात सर्व उच्च शिक्षित आहेत. त्यामुळे तसे तणावाचे काही कारण नाही. अक्षयने कधीही चेहऱ्यावर तणाव दाखवलाच नाही. त्याची स्वप्नं, त्याच्या अपेक्षा खूप मोठ्या होत्या. त्याची एखादी अपेक्षा पूर्ण होत नसेल म्हणून कदाचित त्याने हे पाऊल उचलले असावे असा अंदाज त्याच्या कुटुंबियांकडून व्यक्त करण्यात आला. अक्षय हा खूप शालीन आणि अभ्यासू होता, असे त्याच्या नातेवाईकांनी सांगितले.
अक्षयच्या जाण्याने कुटुंबियांना मोठा हादरा बसला आहे. त्याच्या मित्रांनाही जबर मानसिक धक्का बसला आहे. अक्षयला आपल्यातून गेला हे मानायलाच ते तयार नाहीत. ते सध्या कोणासोबतही बोलण्याच्या मनस्थितीत नाहीत.
