minor boy committed suicide, आता तुला शाळेला उशीर होणार नाही! हॅप्पी बर्थडे आई!! चिठ्ठी लिहून १५ वर्षीय मुलाची आत्महत्या – minor boy committed suicide after his mother scolded him for buying school uniform in behror rajasthan

अलवर: राजस्थानच्या अलवरमध्ये एका १५ वर्षीय मुलानं आत्महत्या केली आहे. गळफास लावून त्यानं आपलं जीवन संपवलं. बहरोड परिसरात ही घटना घडली. मृतदेहाजवळ एक चिठ्ठी सापडली आहे. तुला माझ्याकडून ही वाढदिवसाची भेट असल्याचं मुलानं चिठ्ठीत म्हटलं आहे. घटनेची माहिती मिळताच बहरोड पोलीस ठाण्याचे कर्मचारी पोहोचले आणि त्यांनी अल्पवयीन मुलाचा मृतदेह खाली उतरवला. शवविच्छेदनानंतर मृतदेह कुटुंबीयांच्या ताब्यात देण्यात आला.

आता तुला शाळेत जाण्यास कधीच उशीर होणार नाही. वाढदिवसाची जगातील सर्वोत्तम भेट. वाढदिवसाच्या शुभेच्छा, असं मुलानं चिठ्ठीत लिहिलं आहे. पोलिसांनी सुसाईड नोट ताब्यात घेतली असून नातेवाईकांची चौकशी सुरू आहे.
सलाम! मुसळधार पाऊस, रस्त्यात चिखल; तरीही गर्भवतीसाठी १७ किमी बाईकवरून गेले डॉक्टर
आत्महत्या केलेल्या मुलाची आई शाळेत शिक्षिका आहे. काही वर्षांपूर्वी मुलाच्या वडिलांचा मृत्यू झाला. आई आणि मुलगा एका भाड्याच्या घरात राहत होते. मुलानं दोन दिवसांपासून आईकडे शाळेचा गणवेश खरेदी करण्याचा आग्रह धरला होता. तुझ्यासाठी गणवेश शिवू असं आईनं मुलाला सांगितलं होतं.

शुक्रवारी आईचा वाढदिवस होता. त्यादिवशी मुलानं आईकडे पुन्हा गणवेशासाठी हट्ट केला. त्यावर आई ओरडली. मला शाळेत जाण्यास उशीर होत आहे. संध्याकाळी आल्यावर तुझ्यासाठी गणवेश शिवायला देऊ, असं आई म्हणाली. यामुळे मुलाला नाराज झाला आणि त्यानं टोकाचं पाऊल उचललं.

आई घरी परतली त्यावेळी घराचा दरवाजा आतून बंद होता. आईनं अनेकवेळा आवाज दिला. मात्र तिला आतून उत्तर मिळालं नाही. त्यानंतर आईनं शेजाऱ्यांच्या मदतीनं दरवाजा तोडला. त्यावेळी मुलगा गळफास लावलेल्या स्थितीत दिसला. या घटनेची माहिती लगेचच पोलिसांना देण्यात आली.