indigo karachi, इंडिगोचं हैदराबादला जाणारं विमान कराचीत उतरवलं, तांत्रिक बिघाडामुळं तातडीचा निर्णय – indigo sharjah hyderabad flight diverted to karachi due to technical problem

इंडिगोच्या प्रवक्त्यांनी दिलेल्या माहितीनुसार इंडिगो फ्लाइट ६ई-१४०६ हे विमान शारजा येथून हैदराबादला निघाले होते. वैमानिकाला तांत्रिक बिघाड जाणवल्यानं तातडीनं आवश्यक ती प्रक्रिया पूर्ण करण्यात आली आणि विमान कराचीकडे वळवण्यात आल्याची माहिती इंडिगोच्या प्रवक्त्यांनी दिली.
पुण्यात मध्यरात्री भीषण आग: १२ घरे जळून खाक; लाखो रुपयांचं नुकसान
विमान प्रवासांबद्दल माहिती देणाऱ्या संकेतस्थळांच्या माहितीनुसार शारजातून स्थानिक वेळेनुसार शनिवारी रात्री ११.०२ मिनिटांनी विमानानं उड्डाण घेतलं होतं. ते विमान चार तासांमध्ये हैदराबादला पोहोचणार होतं. मात्र, मध्यरात्री २.१५ मिनिटांनी ते कराची विमानतळावर उतरवण्यात आलं आहे.
उपराष्ट्रपती निवडणूक: शरद पवारांच्या घरी विरोधकांची बैठक, शिवसेनेची भूमिका काय?
इंडिगोचं विमान दुसऱ्यांदा वळवलं
इंडिगोच्या विमानात तांत्रिक बिघाड झाल्यानं १४ जुलै रोजी दिल्ली बडोदा विमान देखील जयपूरला उतरवावं लागलं होतं. विस्तारा कंपनीचं विमान ५ जुलै रोजी दिल्ली विमानतळावर सुरक्षितपणे उतरवण्यात आलं होतं. मध्य आशिया आणि भारतीय उपखंडातील वातावरणाचा विमानाच्या इंजिनवर परिणाम होत असल्याचा विमानातील इंजिन निर्मिती करणाऱ्या कंपन्यांनी केला आहे.