Eknath Shinde camp eventयावेळी व्यासपीठाच्या एका बाजूला छत्रपती शिवाजी महाराज, डॉ. बाबासाहेब आंबेडकर आणि शिवसेनाप्रमुख बाळासाहेब ठाकरे यांच्या तसबिरी ठेवण्यात आल्या होत्या. कार्यक्रम संपत असताना व्यासपीठावर प्रचंड गर्दी झाली होती. नेमक्या याचवेळी प्रमुख नेतेमंडळी व्यासपीठावरून बाहेर पडत होती. त्यांच्यापाठोपाठ कार्यकर्त्यांचा जत्थाही धावू लागला. मात्र, या धावपळीत कोणाचा तरी धक्का व्यासपीठावरील महापुरुषांच्या प्रतिमेला लागला आणि या प्रतिमा खाली पडल्या. |

 

Video

हायलाइट्स:

  • छत्रपती शिवाजी महाराजांसह महापुरुषांचा अवमान
  • राजकारण करा पण महापुरुषांचा असा अनादर होत असेल तर
मुंबई: एकनाथ शिंदे गटाने शिवसेनेपासून विभक्त होत भाजपसोबत राजकीय संसार थाटल्यानंतर सध्या राज्यभरात शिंदे गटाच्या (Eknath Shinde) आमदारांकडून शक्तीप्रदर्शन आणि मेळावे घेतले जात आहेत. अशाच एका कार्यक्रमात छत्रपती शिवाजी महाराजांसह महापुरुषांचा अवमान घडल्याची घटना समोर आली आहे. आमदार किशोर पाटील (Kishor Patil) यांनी या कार्यक्रमाचे आयोजन केले होते. हा कार्यक्रम संपत असताना व्यासपीठावर मान्यवरांना भेटण्यासाठी कार्यकर्त्यांनी एकच गर्दी केली होती. त्यामुळे संपूर्ण व्यासपीठ भरून गेले होते. यावेळी व्यासपीठाच्या एका बाजूला छत्रपती शिवाजी महाराज, डॉ. बाबासाहेब आंबेडकर आणि शिवसेनाप्रमुख बाळासाहेब ठाकरे यांच्या तसबिरी ठेवण्यात आल्या होत्या. कार्यक्रम संपत असताना व्यासपीठावर प्रचंड गर्दी झाली होती. नेमक्या याचवेळी प्रमुख नेतेमंडळी व्यासपीठावरून बाहेर पडत होती. त्यांच्यापाठोपाठ कार्यकर्त्यांचा जत्थाही धावू लागला. मात्र, या धावपळीत कोणाचा तरी धक्का व्यासपीठावरील महापुरुषांच्या प्रतिमेला लागला आणि या प्रतिमा खाली पडल्या. त्यानंतर उपस्थितांनी लगेच या प्रतिमा पुन्हा उचलल्या. परंतु, हा व्हिडिओ सध्या सोशल मीडियावर व्हायरल होत आहे.
शिवसेनेनं एका निर्णयावरून शिंदेंना कात्रीत पकडलं; थेट बाळासाहेबांच्या भूमिकेचाच दिला दाखला
या सगळ्या प्रकाराबद्दल राष्ट्रवादी काँग्रेसचे नेते अमोल मिटकरी यांनी तीव्र नाराजी व्यक्त केली आहे. त्यांनी हा व्हिडिओ ट्विट करत या प्रकाराचा निषेध केला आहे. राजकारण करा पण महापुरुषांचा असा अनादर होत असेल तर ते जनता सहन करु शकणार नाही, असे अमोल मिटकरी यांनी म्हटले. त्यांच्या या ट्विटनंतर सोशल मीडियावर संतप्त प्रतिक्रिया उमटत आहेत.

शिवसेना कुणाची, २० तारखेला सुनावणी

शिवसेनेच्या मागणीनुसार १६ आमदारांना अपात्र ठरवण्यासाठी विधानसभा उपाध्यक्षांनी पाठविलेल्या नोटिशीविरोधात बंडखोर आमदार एकनाथ शिंदे यांनी सर्वोच्च न्यायालयात दाद मागितली आहे. महाराष्ट्रातील सत्तासंघर्षावर सर्वोच्च न्यायालयात ११ जुलै सुनावणी होणार होती. पण सर्वोच्च न्यायालयाने या प्रकरणावर तातडीने सुनावणी घेता येणार नसल्याचेही स्पष्ट केले होते. आता महाराष्ट्राच्या सत्ता संघर्षासंदर्भातली सुनावणी येत्या २० जुलै रोजी घटनापीठासमोर होणार आहे. या सुनावणीत १६ आमदारांच्या पात्र-अपात्रतेचा निकाल लागणार आहे. साहजिक ठाकरे-शिंदेंचे डोळे सर्वोच्च न्यायालयाकडे लागले आहेत.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : chhatrapati shivaji maharaj photo frame falling during event of eknath shinde camp mla kishor patil event
Marathi News from Maharashtra Times, TIL Network

LEAVE A REPLY

Please enter your comment!
Please enter your name here