महाराष्ट्राची एसटी बस नर्मदा नदीमध्ये कोसळली, दुर्घटनेचे भीषण PHOTO समोर
प्राथमिक माहितीनुसार, हा अपघात घडला तेव्हा या एसटीमध्ये ५० ते ५५ प्रवाशी होते. आतापर्यंत १३ जणांचा मृत्यू झाल्याची माहिती आहे. यापैकी चालक आणि कंडक्टरसह आठ जणांच्या मृतदेहांची ओळख पटली आहे. मात्र, अनेकजण बेपत्ता असल्यामुळे मृतांचा आकडा आणखी वाढण्याची भीती आहे. एसटी बसचा सांगाडा आता क्रेनच्या साहाय्याने नदीपात्रातून बाहेर काढण्यात आला आहे. उंचावरून बस नदीतील खडकावर आदळल्यामुळे बसचा पूर्णपणे चक्काचूर झाला आहे. याठिकाणी जिल्हा प्रशासनाकडून युद्धपातळीवर बचावकार्य सुरु आहे. बसमधील आणखी २५ प्रवासी बेपत्ता आहेत. या सर्वांचा मृत्यू झाल्याची शक्यता वर्तविली जात आहे.
MP Bus Accident: नर्मदा नदीत कोसळलेली बस इंदौरहून जळगावला निघाली होती, एसटी महामंडळाकडून हेल्पलाईन नंबर जारी
इंदौरहून अमळनेरला जाणाऱ्या बसला भीषण अपघात, सदर अपघातासंदर्भात माहिती मिळवण्यासाठी एसटी महामंडळाकडून हेल्पलाईन जारी
घटनास्थळी मदतीसाठी-०९५५५८९९०९१
एसटी महामंडळ- ०२२/२३०२३९४०
जळगाव जिल्हाधिकारी कार्यालय नियंत्रण कक्ष- ०२५७२२२३१८०, ०२५७२२१७१९३
१३ मृतापैकी ८ जणांची ओळख पटली
या अपघातामध्ये आतापर्यंत १३ लोक मृत्युमुखी पडले आहेत.त्यामध्ये एसटी महामंडळाच्या चालक -वाहकाचा समावेश आहे.(११+२). यापैकी आठ जणांची ओळख पटली आहे.
