MP Bus Accident Helpline Numbers

18th July 2022

जळगाव : जळगाव जिल्ह्यातील अमळनेर डेपोची बस नर्मदा नदीच्या पात्रात कोसळल्याने मोठी दुर्घटना घडली आहे. यामध्ये प्राथमिक माहितीनुसार, १३ जणांचा मृत्यू झाला असून १५ जणांना वाचवण्यात यश आल्याचं सांगण्यात आलं आहे. मध्य प्रदेशातील खलघाट आणि ठीगरी येथील नर्मदा नदीच्या पुलावर ही घटना घडली आहे.

सगळ्यात धक्कादायक बाब म्हणजे जळगाव जिल्ह्यातील अमळनेर डेपोची बस मध्य प्रदेशातील खलघाट आणि ठीगरी येथील नर्मदा नदीच्या पुलावरून नर्मदा नदी पात्रात कोसळल्याची भीषण घटना घडली आहे. संपूर्ण बस ही नदीपात्रात पडली असून यामध्ये ५० ते ५५ प्रवासी असल्याची माहिती होती. याबाबतची अधिकची माहिती अद्याप जळगाव जिल्हा आगाराला प्राप्त झालेली नाही.

Bus Falls into Narmada River : इंदौरहून जळगावला येणारी बस नर्मदा नदीत कोसळली, १३ जणांचा मृत्यू
एम.एच.४० ओ एन.९८४८ या क्रमांकाची इंदोर अमळनेर बस ही आज सोमवारी सकाळी साडे सात वाजेच्या सुमारास इंदौर येथून अमळनेरकडे येण्यासाठी निघाली होती. यादरम्यान मध्य प्रदेशातील खलघाट आणि ठीगरी येथील पुलावरून ही बस नर्मदा नदीच्या पात्रात कोसळली. चालक चंद्रकांत पाटील व वाहक प्रकाश श्रावण चौधरी हे ही बस घेऊन येत होते. अशी माहिती जळगाव विभागाचे विभाग नियंत्रक भगवान जगनोर यांनी दिली आहे.

दरम्यान, या अपघातासंदर्भात माहिती मिळवण्यासाठी एसटी महामंडळाने ०२२/२३०२३९४० हा हेल्पलाईन नंबर कार्यान्वित केली आहे.

महाराष्ट्र राज्य मार्ग परिवहन महामंडळाची अमळनेर आगाराची इंदोर अमळनेर बस क्रमांक एम एच 40 एन 9848 ही आज दि. 18 जुलै, 2022 रोजी सकाळी 07.30 वा. इंदोर येथुन अमळनेर कडे मार्गस्थ झाली. आज सकाळी सुमारे 10.00 ते 10.15 च्या दरम्यान मध्यप्रदेश मधील खलघाट आणि ठिगरी मधील नर्मदा नदीचे पुलावर सदर बस अपघातग्रस्त होवुन नर्मदा नदीत कोसळल्याची प्राथमिक माहिती मिळाली आहे.

धुवांधार पावसाने विदर्भातला अख्खा जिल्हा पाण्यात, पुराचा VIDEO काळजाचा ठोका चुकवेल
घटनास्थळी खरगोन व धार चे जिल्हा प्रशासन पोहोचले असुन बस क्रेन च्या सहाय्याने बाहेर काढण्यात येत असुन जखमींना उपचारासाठी जवळच्या रुग्णालयात दाखल करणेत येवुन त्यांचेवर उपचार सुरु आहेत. त्यांचे प्रकृतीबाबत अद्ययावत माहिती घेणेचे काम सुरु आहे. आवश्यक ती सर्व मदत करण्याच्या हेतुने जिल्हाधिकारी जळगाव व जळगाव जिल्हा प्रशासन हे खरगोन व धार जिल्हा प्रशासनाच्या नियमित संपर्कात असून अपघातग्रस्त व्यक्तींना सर्व आवश्यक ते सहकार्य करण्याचे नियोजन करण्यात आलेले आहे.