ग्रामस्थ आणि पर्यटकांची अडचण लक्षात घेऊन दोन स्थानिक वृद्ध समाजसेवकांनी प्रशासनाच्या यंत्रणेची वाट न पाहता मेहनत करत कोसळलेली दरड स्वत: हटवून रस्ता मोकळा करुन दिला. चंद्रकांत मोरे (६५ वर्षे), बळीराम सपकाळ (५० वर्षे) या दोघांनी भर पावसात प्रचंड मेहनत घेऊन केलेल्या या कामाबद्दल पर्यटक आणि स्थानिक ग्रामस्थ त्यांचं कौतुक करत आहेत.

 

satara landslide
दोन वृद्धांनी हटवली रस्त्यावरील दरड
सातारा: पासष्टीच्या आजोबांनी रस्त्यावर कोसळलेली भली मोठी दरड हटवली. भांबवली धबधब्याकडे जाणाऱ्या मार्गावरील दरड हटवल्यामुळे पर्यटकांचा मार्ग खुला झाला. प्रशासकीय यंत्रणा पोहोचण्यापूर्वीच एकट्या आजोबांनी संपूर्ण दरड हटवल्यानं वाहतूक सुरळीत झाली.

सातारा जिल्ह्याच्या पश्चिम भागामध्ये गेले काही दिवस जोरदार पाऊस झाला. यामुळे ठिकठिकाणी दरडी कोसळल्या आहेत. सातारा जिल्ह्याच्या पश्चिमेकडील भाग हा अतिदुर्गम समजला जातो. पावसाळ्याच्या दिवसांमध्ये या ठिकाणी दळणवळण कठीण होऊन बसतं. सतत पडणाऱ्या जोरदार पावसाने रस्त्यावर दरडी कोसळून रस्ते बंद होतात. यामुळे या ठिकाणच्या लोकांना अनेक अडचणींना सामोरं जावं लागतं. अशाच एका समस्येला भांबवली गावातील लोकांना सामोरं जावं लागल. कास शेजारील भांबवली गावाकडे जाणाऱ्या रस्त्यात काही दिवसांपूर्वी दरड कोसळली होती.यामुळे भांबवली गाव आणि वज्राई धबधब्याकडे जाणारा रस्ता पूर्णपणे बंद झाला होता. यामुळे ग्रामस्थ आणि पर्यटकांना अनेक समस्यांना सामोरं जावं लागत होतं.
Narmada River Bus Accident:एसटी बस रेलिंग तोडून दुथडी भरून वाहणाऱ्या नर्मदेत कोसळली, खडकावर आदळून उलटली अन्…
ग्रामस्थ आणि पर्यटकांची अडचण लक्षात घेऊन दोन स्थानिक वृद्ध समाजसेवकांनी प्रशासनाच्या यंत्रणेची वाट न पाहता मेहनत करत कोसळलेली दरड स्वत: हटवून रस्ता मोकळा करुन दिला. चंद्रकांत मोरे (६५ वर्षे), बळीराम सपकाळ (५० वर्षे) या दोघांनी भर पावसात प्रचंड मेहनत घेऊन केलेल्या या कामाबद्दल पर्यटक आणि स्थानिक ग्रामस्थ त्यांचं कौतुक करत आहेत. भांबवली- वज्राई धबधबा हा तीन टप्प्यात कोसळणारा भारतातील सर्वात उंच धबधबा असल्यामुळे या ठिकाणी भेट देण्यासाठी पर्यटक पुणे, मुंबईहून साताऱ्याला येतात.
मुलींची छेड काढली: जाब विचारताच बाप-लेकावर हल्ला; एकाचा मृत्यू, तर दुसऱ्याची प्रकृती गंभीर
धबधब्याकडे जाणारा रस्ता बंद असल्यामुळे अनेक पर्यटकांना नाराज होऊन माघारी जावं लागलं होतं. पर्यटकांना होणारा त्रास लक्षात घेऊन वयोवृद्ध चंद्रकांत मोरे आणि बळीराम सपकाळ यांनी केलेल्या या अनमोल कामामुळे आता पर्यटक भांबवली धबधब्यापर्यंत पोहोचून आनंद घेऊ शकत आहेत. दर वर्षी पावसाळ्यात या धबधब्याकडे जाणाऱ्या रस्त्यावर दरड कोसळण्याचे प्रकार घडत असतात. याकडे प्रशासनाने लक्ष घालुन कायमस्वरुपी यावर तोडगा काढण्याची मागणी स्थानिक ग्रामस्थ आणि पर्यटकांनी केली आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : in satara two senior citizens clears landslide to restore vehicle movment towards waterall
Marathi News from Maharashtra Times, TIL Network

LEAVE A REPLY

Please enter your comment!
Please enter your name here