हिंगोली : कळमनुरी तालुक्यातील पिंपरी खुर्द येथील नाल्याच्या पुलावरून पाणी वाहत असल्याने वाहतूक ठप्प झाली. त्यामुळे आजारी असलेल्या एका ज्येष्ठ नागरिकाला झोळीत बसून अर्धा किलोमीटर चिखल तुडवत उपचारासाठी नेण्यात आले. मात्र, रस्त्यातच त्यांचा मृत्यू झाल्याचा प्रकार आज सोमवारी दुपारी घडला आहे. संभाजीराव धांडे (७५ )असं मयत व्यक्तीचं नाव असल्याचं सांगण्यात आलं आहे.

कळमनुरी तालुक्यातील पिंपरी खुर्द येथे जाण्यासाठी कयाधू नदी लगत असलेल्या नाल्यावर छोटा पूल बांधण्यात आला आहे. मध्यम स्वरूपाच्या पावसातही या पुलावरून पाणी वाहते. त्यामुळे आखाडा बाळापूर, पिंपरी खुर्द, चिखली या मार्गावरील वाहतूक ठप्प होते. त्यामुळे गावकऱ्यांचा वाहतुकीचा प्रश्न निर्माण होतो. तर अनेक वेळा आजारी व्यक्तींना गंभीर प्रसंगाला सामोरे जावे लागते. या पुलाची उंची वाढवावी अशी मागणी वेळोवेळी करण्यात आली आहे. मात्र, त्याकडे दुर्लक्ष करण्यात आलं.

शिंदेंचा शिवसेनेवर दावा, राष्ट्रीय कार्यकारिणी जाहीर, ठाकरेंनी हाकललं, त्यांनाच जबाबदारी
दरम्यान, आज दुपारी बारा वाजेच्या सुमारास गावातील संभाजीराव धांडे यांना अस्वस्थ वाटू लागले होते. त्यामुळे त्यांना उपचारासाठी आखाडा बाळापूर येथे आणले जात होते. मात्र, पुलावरून पाणी वाहत असल्याने गावकरी गोविंद धांडे, सुरेश धांडे, केशव धांडे, बबन धांडे, संदीप धांडे, रमेश धांडे, अतन शिंदे यांनी लाकडाची झोळी तयार केली त्यामध्ये संभाजीराव धांडे यांना बसून तब्बल अर्धा किलोमीटर चिखल तुडवत इसापूरच्या कालव्यावर आणण्यात आले. त्यानंतर दुचाकी वाहनावर बसून आखाडा बाळापूर येथील ग्रामीण रुग्णालयात नेण्यात आले. मात्र, त्यासाठी उशीर लागल्याने रस्त्यातच त्यांचा मृत्यू झाल्याची वैद्यकीय अधिकाऱ्यांनी जाहीर केलं. केवळ रस्ता नसल्यामुळे संभाजीराव धांडे यांना तातडीने आरोग्य सेवा मिळाली नाही व त्यामुळे त्यांचा मृत्यू झाल्याचा आरोप गावकऱ्यांकडून केला जात आहे.

त्यानंतर मयत धांडे यांचा मृत्यदेह पुन्हा अर्धा किलोमीटर चिखल तुडवत गावात नेण्यात आला. या प्रकारामुळे गावकऱ्यातून तीव्र संताप व्यक्त होत असून प्रशासनाने तातडीने पुलाची उंची वाढ व्हावी अशी मागणी केली जात आहे.

पिंपरी खुर्द येथील पुलाची उंची वाढवण्याची मागील दहा वर्षापासूनची मागणी आहे. या संदर्भात वेळोवेळी शासनाकडे व प्रशासनाकडे निवेदन देण्यात आले. मात्र, त्यावर ठोस निर्णय घेण्यात आला नाही. काही दिवसापूर्वीच उपचाराअभावी दोन व्यक्तींचा मृत्यू झाला. त्यानंतरची ही तिसरी घटना आहे. आता तरी प्रशासनाने पुलाची उंची वाढवावी. असं पिंपरी खुर्दचे सरपंच गोविंदराव धांडे यांनी सांगितलं आहे.

एक्ससोबत सेक्स केलं का? करण जोहरच्या प्रश्नावर काय बोलली जान्हवी कपूर!

LEAVE A REPLY

Please enter your comment!
Please enter your name here