चंद्रपूर : चार भिंतीत बसून स्थानिक अधिकारी काम करत असतात अशी ओरड नागरिकांकडून सतत होत असते. ही नुसतीच ओरड नाही तर यात वास्तविकताही असते. मात्र, चंद्रपूरचे जिल्हाधिकारी याला अपवाद ठरले आहेत. नुकसानग्रस्त शेतीची पाहणी करण्याकरता जिल्हाधिकारी अजय गुल्हाने यांनी भर पावसात धानोरा, पिपरी, मारडा या गावांना भेट दिली. शेतकरी व ग्रामस्थांशी संवाद साधला. नुकसानग्रस्त शेतीचे तातडीने पंचनामे करण्याचे आदेश देखील संबंधित अधिकाऱ्यांना दिले.

जिल्हाधिका-यांनी वीस कलमी सभागृह, जिल्हाधिकारी कार्यालय येथे पूर परिस्थितीबाबत तालुकास्तरीय यंत्रणेचा आढावा घेतला. यावेळी जिल्हाधिकारी म्हणाले, सततच्या पावसामुळे जिल्ह्यात अनेक तालुक्यात घरांची पडझड झाली आहे. शेतमालाचे नुकसान झाले आहे. पडलेली घर, नागरिकांचे सुरक्षितस्थळी स्थलांतर, शेतीचे नुकसान, विविध विभागांचे नुकसान, मृत किंवा जखमी व्यक्ती, पायाभुत सुविधांमध्ये रस्ते, पूल, वीज पुरवठा, इमारतींचे नुकसान आदींची भरपाई करण्यासाठी तसेच पूरग्रस्त नागरिकांना मदत देण्यासंदर्भात शासन निर्णयानुसार आर्थिक मदतीचे प्रस्ताव तात्काळ जिल्हास्तरावर पाठविण्याचा सूचना दिल्या आहेत.

ठाकरेंना नडले की पक्षाबाहेर काढले; आनंदराव अडसूळ, रामदास कदमांची हकालपट्टी
चंद्रपूर जिल्ह्यात पुराने कहर माजवला आहे. शेती, घरांचे मोठ्या प्रमाणात नुकसान झालं आहे. अनेक मार्गावरील पुलांची हाणी झाली आहे. मदतीचा टाहो बळीराजा फोडत आहे. अशात थेट जिल्हाधिकारी बांधावर पोहचल्याने बळीराजाला धिर आला असून चंद्रपूरचे जिल्हाधिकारी अजय गुल्हाने यांचं सर्व स्तरातून कौतुक होत आहे.

बॉम्बसारखा फुटू शकतो तुमचा मोबाइल, जर या चुका करीत राहिलात तर, पाहा डिटेल्स

LEAVE A REPLY

Please enter your comment!
Please enter your name here