स्काय न्यूजनुसार, घानामध्ये गेल्या दोन महिन्यात दोन रुग्णांचा मृत्यू झाला आहे. त्यांचे अहवाल आता समोर आल्यानंतर त्यांना मारबर्गची लागण झाल्याचे समोर आलं आहे. एकाचे वय २६ तर दुसऱ्या एका रुग्णाचे वय ५१ आहे. प्रशासनाने दोन्ही रुग्णांच्या संपर्कात आलेल्या लोकांना आयसोलेट केलं आहे. आत्तापर्यंत या लोकांमध्ये कोणतेही लक्षण आढळले नाहीयेत.पश्चिम अफ्रिकेतील घाना शहरात रुग्ण सापडल्याची ही पहिली वेळ आहे.
जागतिक आरोग्य संघटनेनंही या व्हायरसबाबत अलर्ट जारी केला आहे. डब्लूएचओ अफ्रिका विभागाने विभागीय अध्यक्ष डॉ.Matshidiso Moeti यांनी दिलेल्या माहितीनुसार, आरोग्य विभागा सतर्क झाला असून या व्हायरसचा वेगाने फैलाव होत असेल तर लगेचच कारवाई केली जाईल. मारबर्गवर वेळेत नियंत्रण मिळवलं नाही तर याचा फैवाल वेगाने होईल आणि नियंत्रण मिळवणं कठिण जाईल. त्यामुळं आरोग्य विभागाला जागतिक आरोग्य संघटना अधिक साधनांची तातडीने सुविधा देत आहे.
वाचाः
इबोलासारखाच घातक ठरणार मारबर्ग
इबोला व्हायरस जगातील सर्वात जीवघेणा व्हायरस ठरला होता. इबोला Filoviridae या गटातील होता. तसाच मारबर्गदेखील याच गटातील विषआणू आहे. हे दोन्ही व्हायरस जीवघेणे ठरु शकतात. मारबर्ग चा इबोलापेक्षाही अधिक पटीने फैलाव होऊ शकतो. त्यामुळं त्यावर वेळीच नियंत्रण मिळवणे गरजेचं आहे. इबोला व्हायरस सर्वात प्रथम १९७६मध्ये कांगो आणि सूडानमध्ये समोर आला होता. मात्र, २०१४ आणि २०१६ मध्ये पश्चिम अफ्रिकेत इबोलाचा फैलाव वेगाने होत होते.
मारबर्गचे लक्षण
ताप, डोकेदुखी, डायरिया, अंगदुखी, मळमळसारखे लक्षण रुग्णांमध्ये दिसत आहेत. त्याचबरोबर नाकातून रक्त येणे, ही मारबर्गची प्रमुख लक्षणे आहेत.
वाचाः
