Ramdas Kadam: ‘जे आदित्य ठाकरे मला ‘काका-काका’ बोलायचे, ते माझंच खातं घेतील, असं वाटलं नव्हतं’
‘माझी भावना उद्धव ठाकरेंसोबत, पण…’
शिवसेनेत बंडखोरी झाल्यानंतर मातोश्रीवर पोहोचलेल्या काही मोजक्या खासदारांमध्ये धैर्यशील माने यांचाही समावेश होते. खासदार माने हे वारंवार उद्धव ठाकरे यांची बाजू भक्कमपणे मांडत असल्याचं याआधी अनेकदा पाहायला मिळालं आहे. मात्र सध्याच्या राजकीय स्थितीत ते शिंदे गटात जाण्याच्या तयारीत असल्याचं दिसत आहे. ‘मी कधीही छक्के पंजे करून राजकारण केलं नाही. कधी पैशाच्याही मागे लागलो नाही, जे समोर येत गेलं ते करत राहिलो. माझा भावनिक संबंध हा उद्धव ठाकरे यांच्यासोबत खूप आहे. मात्र मी शिवसेना सोडत नाही, शिवसेना ही अंतर्गत वेगळी झालेली आहे. मी जरी शिंदे गटासोबत गेलो तरी मी शिवसेना सोडली असा अर्थ होत नाही. लोकप्रतिनिधी म्हणून लोकांच्या कामांना न्याय देणे हे माझे कर्तव्य आहे. एवढ्या राजकीय घडामोडी होत असताना देखील एकनाथ शिंदे यांनी गुवाहाटीमध्ये बसून आपल्या मतदारसंघातील एका फाईलवर सही केली. मागील दोन ते तीन वर्षात चांगले असे काही घडलेले नाही. अनेक कामे करताना मर्यादा आल्या आहेत. आमदारांसारखी नाराजी खासदारांमध्येही आहे. आमदारांना निधी कमी मिळाला असे आमदार म्हणत आहेत. मात्र खासदारांना निधीच मिळाला नाही. केंद्राचा निधी हे बंद झाला आणि राज्य शासनाने ही खासदारांना काही मदत केली नाही,’ अशा शब्दांत धैर्यशील माने हे आपली नाराजी व्यक्त करत असल्याचं ऑडिओ क्लिपमधून स्पष्ट होत आहे.
जीएसटी वाढला अन् चोरट्यांनी डाव साधला; जालन्यातील प्रकार पाहून तुम्हीही डोक्याला हात माराल
दरम्यान, या व्हायरल ऑडिओ क्लिपबाबत खासदार धैर्यशील माने यांनी अद्याप कोणतीही प्रतिक्रिया दिली नसून ‘महाराष्ट्र टाइम्स ऑनलाइन’ या ऑडिओ क्लिपच्या सत्यतेची पुष्टी करत नाही.
