CM Eknath Shinde | शिवसेनेविरुद्धची लढाई आणि मंत्रिमंडळ विस्ताराबाबत चर्चा करण्यासाठी एकनाथ शिंदे हे दिल्लीत गेले होते. त्यांच्या दिल्ली दौऱ्याची राजकीय वर्तुळात प्रचंड हवा झाली होती. एकनाथ शिंदे दिल्लीत जाऊन पंतप्रधान नरेंद्र मोदी आणि अमित शाह यांना भेटतील, असे सांगितले जात होते. मात्र, दिल्लीत गेल्यानंतर एकनाथ शिंदे यांना भाजपच्या वरिष्ठ नेत्यांना भेटण्यासाठी खूप वाट पाहावी लागल्याने अनेकांच्या भुवया उंचावल्या आहेत.
हायलाइट्स:
- एकनाथ शिंदे मुंबईहून सोमवारी मध्यरात्री दिल्लीत दाखल झाले
- मंगळवारची दुपार उलटून गेली तरी भाजपश्रेष्ठींना भेटू शकले नव्हते
- महाराष्ट्र सदनाच्या मुख्यमंत्री कक्षामध्ये भेटीच्या निरोपाची प्रतीक्षा करत १२ तास बसून होते
Supreme Court : ठाकरे Vs शिंदे, शिवसेनेवर मालकी नक्की कोणाची? सुप्रीम कोर्टात आज महत्त्वाची सुनावणीशिवसेनेविरुद्धची लढाई आणि मंत्रिमंडळ विस्ताराबाबत चर्चा करण्यासाठी एकनाथ शिंदे हे दिल्लीत गेले होते. त्यांच्या दिल्ली दौऱ्याची राजकीय वर्तुळात प्रचंड हवा झाली होती. एकनाथ शिंदे दिल्लीत जाऊन पंतप्रधान नरेंद्र मोदी आणि अमित शाह यांना भेटतील, असे सांगितले जात होते. मात्र, दिल्लीत गेल्यानंतर एकनाथ शिंदे यांना भाजपच्या वरिष्ठ नेत्यांना भेटण्यासाठी खूप वाट पाहावी लागल्याने अनेकांच्या भुवया उंचावल्या आहेत. एकनाथ शिंदे गटातील बंडखोर आमदार आणि खासदारांनी उद्धव ठाकरे यांना सहजासहजी भेटता येत नसल्याची तक्रार वारंवार बोलून दाखवली आहे. त्यामुळे उद्धव ठाकरे नॉट रिचेबल असल्याचा मुद्दा या बंडातील कळीचा मुद्दा ठरला होता. मात्र, आता दिल्लीतही बंडखोरांचे नेतृत्त्व करणाऱ्या एकनाथ शिंदे यांना भाजपच्या वरिष्ठांना भेटण्यासाठी इतकी वाट पाहावी लागल्याने अनेक प्रश्न उपस्थित झाले आहेत.
Sanjay Raut: संजय पांडेंना अटक, राऊतांनाही ‘ईडी’ची नोटीस; मोहित कंबोज म्हणाले, Mission Completeदिल्लीसमोर झुकल्याने एकनाथ शिंदेंना मुख्यमंत्रीपद मिळालं: शिवसेना
महाराष्ट्राची सूत्रे आज संपूर्णपणे दिल्लीच्याच हाती आहेत. शिवरायांच्या महाराष्ट्राची इतकी दारुण अवस्था कधीच झाली नव्हती. शिवसेना फोडणे व त्या फुटीचे नजराणे दिल्लीश्वरांच्या चरणी अर्पण करणे यातच मुख्यमंत्री शिंदे मश्गूल आहेत,’ असा घणाघात शिवसेनेचे मुखपत्र असलेल्या ‘सामना’तून करण्यात आला आहे.
एकनाथ शिंदे यांच्यावर टीका करताना शिवसेनेनं आपल्या आधीच्या मुख्यमंत्र्यांच्या कारकीर्दीचाही दाखला दिला आहे. ‘स्वतःस शिवसेनेचे मुख्यमंत्री म्हणवून घेणारे शिंदे वारंवार दिल्ली दरबारी का जात आहेत, हा प्रश्नच आहे. शिंदे हे म्हणे मंत्रिमंडळाबाबत चर्चा करण्यासाठी दिल्लीत गेले. हे आक्रित आहे. यापूर्वी शिवसेनेचे तीन मुख्यमंत्री झाले. त्यातील दोन भारतीय जनता पक्षाबरोबरच्या ‘युती’त होते; पण एकही मुख्यमंत्री मंत्रिमंडळ काय व कसे करायचे याबाबत चर्चा करण्यासाठी कधी दिल्लीत गेला नाही. पण आताची परिस्थिती वेगळी आहे. दिल्लीसमोर झुकल्याने, मोडून पडल्यानेच फुटीर गटाला मुख्यमंत्रीपद मिळाले हे आता उघड झालं आहे,’ अशा शब्दांत सामनातून एकनाथ शिंदे यांच्यावर निशाणा साधण्यात आला आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : cm eknath shinde waits for 12 hours to meet bjp leadership in delhi maharashtra sadan
Marathi News from Maharashtra Times, TIL Network
Marathi News from Maharashtra Times, TIL Network
