थेट यूएस संस्थेकडून कर्ज
यूएस कर्ज संस्था काही फायदे देतात. पहिले म्हणजे कर्ज यूएस डॉलरमध्ये फेडले जाते, ज्यामुळे कर्जदारांना काही प्रकारची मानसिक शांती मिळते. आणि दुसरे म्हणजे हे चलनातील चढउताराचा धोका कमी करते.
वाचा –
शिष्यवृत्ती
शिष्यवृत्ती परदेशी शिक्षणाचा खर्च कमी करण्यास नक्कीच फायदेशीर ठरते. प्रभावी ग्रेड (गुण) मिळाल्याने विद्यार्थ्याला शिष्यवृत्तीची शक्यता वाढते आणि यामुळे विद्यार्थी आणि पालकांवरील आर्थिक भार कमी होईल त्यामुळे वाढत्या डॉलरचा प्रभाव कमी होईल.
टॉप-अप कर्ज
जे विद्यार्थी आधीच परदेशात आहेत आणि त्यांचा शिक्षणाचा खर्च वाढू लागला आहे ते अमेरिकी उच्च चलनवाढ आणि घसरत चाललेल्या रुपयाच्या दरम्यान उच्च शिक्षण शुल्काचा खर्च भरून काढण्यासाठी टॉप-अप कर्जासाठी अर्ज करू शकतात.
वाचा –
वित्तीय संस्थेशी बोलणी करा
लक्षात घेण्याजोगा महत्त्वाचा मुद्दा म्हणजे सर्वोत्तम डील मिळवण्यासाठी नेहमी कर्जदात्याशी विनिमय दरांबाबत बोलणी केली पाहिजे. काही वित्तीय संस्था खाजगी फॉरेक्सशी भागीदारी (टाय-अप) करतात, जे चलन विनिमयासाठी बाजार दरापेक्षा जास्त शुल्क आकारू शकतात. यामुळे कर्जाची किंमत वाढत असल्याने, त्यापासून मार्ग किंवा पर्याय शोधणे चांगले आहे. पण परकीय चलन खरेदी करण्याचा तुमचा स्रोत कोणताही असो, दरांची तुलना करणे आणि वाटाघाटी करणे महत्त्वाचे आहे. याचे कारण म्हणजे काळजीपूर्वक नियोजन करून तुम्ही खर्चात घट करू शकता.
कर्जाचे बफरिंग
रुपयातील कोणत्याही घसरणीसाठी तयार राहण्यासाठी नेहमी ५-७ टक्के बफर ठेवावे. यामुळे भविष्यात रुपयाच्या घसरणीपासून बचाव होतो.
