young girl died during railway journey: पुणे येथे चुलत बहिणीच्या साखरपुड्यास निघालेल्या कोटा (राजस्थान) येथील २५ वर्षीय तरूणीचा रेल्वे प्रवासादरम्यान प्रकृती बिघडल्याने मृत्यू झाल्याची दुर्दैवी घटना घडली. वाघिषा संजय पोतेदार (वय -२५) असे मयत तरुणीचे नाव आहे.

 

​young girl died during railway journey​
रेल्वे प्रवासादरम्यान तरुणीचा मृत्यू
जळगाव: पुणे येथे चुलत बहिणीच्या साखरपुड्यास निघालेल्या कोटा (राजस्थान) येथील २५ वर्षीय तरूणीचा रेल्वे प्रवासादरम्यान प्रकृती बिघडल्याने मृत्यू झाल्याची दुर्दैवी घटना घडली. वाघिषा संजय पोतेदार (वय -२५) असे मयत तरुणीचे नाव आहे.

कोटा येथील वाघिषा संजय पोतेदार ह्या २० जुलै रोजी सकाळी ८ वाजून ३० मिनिटांनी हजरत निजामुद्दीन (दिल्ली) रेल्वे स्थानकावरुन कर्नाटक संपर्क क्रांती एक्स्प्रेसने (क्रमांक – १२६३०) डबा क्रमांक बी – ५ सीट क्रमांक- १ वरुन पुणे येथे चुलत बहिणीच्या साखरपुड्यात सहभागी होण्यासाठी निघाली होती.

बुऱ्हाणपूर ते भुसावळ दरम्यान वाघिषाची प्रकृती अचानक बिघडली. वाघिषाला अस्वस्थ वाटू लागल्याने तिने तिच्याकडे असलेले औषध घेतले. मात्र एक्स्प्रेस जळगाव ते पाचोरा स्थानकादरम्यान असताना तिची प्रकृती अधिकच खालावली. २१ जुलै रोजी पहाटे ३ वाजून ३० वाजता संपर्क क्रांती एक्स्प्रेस पाचोरा रेल्वे स्थानकावर थांबवण्यात आली. घटनेची माहिती कळताच पाचोरा काँग्रेसचे तालुका अध्यक्ष सचिन सोमवंशी हे तात्काळ रेल्वे स्थानकावर दाखल झाले. वाघिषाला लोहमार्ग पोलीस दुरक्षेत्र, पाचोराचे हेड कॉन्स्टेबल मधुसूदन भावसार, रुग्णवाहिका चालक अमोल पाटील यांच्या मदतीने खाजगी रुग्णालयात दाखल करण्यात आले. मात्र वाघिषाची प्राणज्योत मालवली होती.
चीन सरकारचा थेट नागरिकांच्या खिशात हात; बँकांसमोर रणगाड्यांची रांग; नेमकं चाललंय काय?
सचिन सोमवंशी यांनी तात्काळ वाघिषाच्या कुटुंबास घटनेची माहिती दिली. त्यानंतर वाघिषाचे आई, वडील पुण्याहून पाचोरा येथे दाखल झाले. रुग्णालयात त्यांनी एकच हंबरडा फोडला. घटनेप्रकरणी लोहमार्ग पोलिस दुरक्षेत्र, पाचोरा येथे अकस्मात मृत्यूची नोंद करण्यात आली आहे. पुढील तपास चाळीसगावचे एपीआय किसन राख यांच्या मार्गदर्शनाखाली एएसआय ईश्वर बोरुडे करत आहे.
शिरुरमध्ये भीषण अपघात! रुग्णवाहिकेची टोलनाक्याला जोरदार धडक; आतली माणसं बाहेर फेकली गेली
…तर वाघिषाचा जीव वाचला असता
वाघिषा खाजगी नोकरी करत होती. ती एकटीच दिल्लीहून पुणे येथे संपर्क क्रांती एक्स्प्रेसने निघाली होती. दरम्यान बुऱ्हाणपूर ते भुसावळ रेल्वे स्थानकादरम्यान वाघिषाची प्रकृती अचानक बिघडली. भुसावळ रेल्वे स्थानकावर एक्स्प्रेस दाखल झाली असता रेल्वेच्या डॉक्टरांनी वाघिषाला रुग्णालयात दाखल करुन न घेता औषध देऊन पुढील प्रवासासाठी रवाना केले. याच वेळी जर वाघिषाला रेल्वेच्या डॉक्टरांनी भुसावळ येथील रुग्णालयात दाखल करून तिच्यावर उपचार केले असते तर कदाचित वाघिषाचे प्राण वाचू शकले असते. मात्र तसे झाले नाही. यामुळे नातेवाईकांनी रोष व्यक्त केला.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : young girl died during railway journey while going to pune
Marathi News from Maharashtra Times, TIL Network

LEAVE A REPLY

Please enter your comment!
Please enter your name here