palghar accident news, भीषण अपघातात व्यावसायिकाच्या कारचा चक्काचूर; दोन तरुणांचा जागीच मृत्यू – car and bike accident in jawhar palghar district 2 passed away 2 injured

पालघर : जव्हार तालुक्यातील वाळवंडे येथे कारने दुचाकीला धडक दिल्याने भीषण अपघात झाला आहे. या अपघातात दुचाकीवरील दोघांचा जागीच मृत्यू झाला असून इतर दोन जण गंभीर जखमी झाले आहेत. जखमींमधील एकाची प्रकृती चिंताजनक असल्याची माहिती आहे.

मिळालेल्या माहितीनुसार, जव्हार येथील बांधकाम व्यावसायिक हर्षद मेघपुरीया हे विक्रमगड येथून आपल्या कारने चालकासह जव्हारच्या दिशेने निघाले होते. जव्हार-विक्रमगड मार्गावर वाळवंडेजवळ भरधाव वेगात असलेल्या कारने विरुद्ध दिशेला जाऊन दुचाकीला जोरदार धडक दिली. या भीषण अपघातात दुचाकीवरील दोघांचा जागीच मृत्यू झाला. दुचाकीवर असलेला तिसरा व्यक्ती आणि कार चालकदेखील या अपघातात गंभीर जखमी झाले आहेत.

खाद्यतेल ग्राहकांची फसवणूक थांबणार; केंद्रीय ग्राहक मंत्रालयाचा मोठा निर्णय

गणपत तुंबडा (वय २०), संतोष वझरे (वय २३) अशी या अपघातातील मृत तरुणांची नावे आहेत. हर्षद मेघपुरीया हे देखील या अपघातात किरकोळ जखमी झाले असून त्यांच्यासह अपघातातील गंभीर जखमी दोघांना रुग्णालयात दाखल करण्यात आले आहे. सध्या जखमींवर उपचार सुरू आहेत. या अपघाताची नोंद पोलीस ठाण्यात करण्यात आली असून पोलिसांकडून अधिक तपास करण्यात येत आहे.