Maharashtra Politics | आदित्य ठाकरे यांनी भिवंडीत आक्रमक भाषण करत एकनाथ शिंदे यांच्यासह बंडखोरांवर टीकास्त्र सोडले होते. त्यामुळे स्थानिका शिवसैनिकांमध्ये चैतन्य संचारेल, नवी उमेद जागेल, अशी अपेक्षा होती. मात्र, या भाषणाला काही तास उलटत नाही तोच भिवंडीतील शिवसैनिक गुरुवारी रात्रीच एकनाथ शिंदे यांना जाऊन मिळाले. त्यामुळे शिवसेनेच्या अडचणीत आणखीनच भर पडली आहे.
हायलाइट्स:
- आदित्य ठाकरे यांनी भिवंडीतील सभेत मुख्यमंत्री एकनाथ शिंदे यांच्यावर सडकून टीका
- भिवंडीतील शिवसैनिक गुरुवारी रात्रीच एकनाथ शिंदे यांना जाऊन मिळाले
- एकनाथ शिंदे यांनी गुरुवारी रात्री फोटो ट्विट करून यासंदर्भात माहिती दिली होती
मावसभावाच्या ‘कॉलरला हात’, आदित्य ठाकरेंकडून सरनाईकपुत्राची हकालपट्टीएकनाथ शिंदे यांनी गुरुवारी रात्री फोटो ट्विट करून यासंदर्भात माहिती दिली होती. ठाणे जिल्ह्यातील भिवंडी महानगरपालिका तसेच ठाणे ग्रामीण विभागातील शिवसेना नगरसेवक तसेच पदाधिकाऱ्यांनी नंदनवन या शासकीय निवासस्थानी भेट घेऊन युती सरकारला जाहीर पाठींबा दर्शविला, असे एकनाथ शिंदे यांनी ट्विटमध्ये म्हटले आहे. त्यामुळे आता आदित्य ठाकरे यांची ‘निष्ठा यात्रा’ आणि ‘शिवसंवाद यात्रे’ने ही पडझड खरंच रोखली जाणार का, हा प्रश्न उपस्थित झाला आहे.
पर्यावरण मंत्री होते म्हणजे सगळा अभ्यास आदित्य ठाकरेंनीच केला का? फडणवीसांचा टोलाआदित्य ठाकरे यांची शिवसेनेवर सडकून टीका
आदित्य ठाकरे यांनी भिवंडीतील सभेत मुख्यमंत्री एकनाथ शिंदे यांच्यावर सडकून टीका केली होती. उद्धव ठाकरे यांच्यावर एका आठवड्यात एक नव्हे तर दोन शस्त्रक्रिया झाल्या. पण उद्धव ठाकरे हे शस्त्रक्रियेनंतर बेडवरून हलू शकत नाहीत, ही माहिती ज्या मिनिटाला कळाली तेव्हापासून एकनाथ शिंदे (Eknath Shinde) यांनी आपण मुख्यमंत्री होऊ शकतो का, याची चाचपणी सुरु केली. आपल्यासोबत कोण येईल किंवा नाही, यादृष्टीने त्यांनी आमदारांची जमवाजमव सुरु केली. या गद्दारांची ही माणसुकी आहे, अशा घणाघाती शब्दांत आदित्य ठाकरे यांनी मुख्यमंत्र्यांवर प्रहार केला होता.
महिनाभरापासून दुःखदायक वातावरण आहे. हे विसरण्यासाठी शिवसंवाद यात्रा काढली आहे. तुम्हाला शिवसैनिकांना भेटण्यासाठी ही यात्रा काढली आहे. ज्यांना आपण पुढे आणलं, ओळख दिली, मंत्रिपदं दिली. पण ते आपल्याला सोडून गेले, गद्दारी केली, हे तुम्हाला तरी पटणारं आहे का? जे काही महाराष्ट्रात सुरू आहे ते राजकारण म्हणून तुम्हाला पटणारं आहे का? असा सवाल आदित्य ठाकरे यांनी उपस्थित केला होता.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : shivsena party workers in bhiwandi joins eknath shinde camp after aaditya thackeray shiv samvad rally
Marathi News from Maharashtra Times, TIL Network
Marathi News from Maharashtra Times, TIL Network
