gulabrao patil vs aditya thackeray, ‘…तर आदित्य यांच्यावर ही वेळ आली नसती’; ठाकरेंविरुद्धच धडाडू लागली शिवसेनेची तोफ – rebel leader gulabrao patil criticizes shiv sena chief uddhav thackeray and aditya thackeray
जळगाव :मुख्यमंत्री एकनाथ शिंदे यांनी आमदारांसह केलेल्या बंडखोरीनंतर शिवसेनेतील सर्व समीकरणे बदलून गेली आहेत. जे नेते कधीकाळी ठाकरे कुटुंबाची ढाल म्हणून ओळखले जात होते, तेच नेते आता थेट ठाकरे कुटुंबातील व्यक्तींवरच टीकेचे बाण सोडत आहेत. माजी मंत्री आणि आमदार गुलाबराव पाटील हेदेखील अशाच बंडखोर नेत्यांपैकी एक आहेत. पाटील यांनी जळगावात माध्यमांशी बोलताना युवासेनाप्रमुख आदित्य ठाकरे यांच्या शिवसंवाद यात्रेवरून जोरदार टोला लगावला आहे.
‘मुख्यमंत्री असताना उद्धव ठाकरे हे आजारी होते. मात्र आदित्य ठाकरे हे तर तरुण होते. त्यांनी तरी राज्याचे दौरे करायला हवे होते. मात्र आता सत्ता गेल्यानंतर ते संपूर्ण राज्यात शिवसंवाद यात्रेच्या माध्यमातून फिरत आहेत. आदित्य यांनी आधीच सर्व जिल्ह्यांचे दौरे केले असते तर कदाचित आज ही वेळ आली नसती,’ असं गुलाबराव पाटील म्हणाले.
ठाकरेंनी शिंदेंना सुरक्षा नाकारली, कांदेंच्या आरोपावर दोन माजी गृहराज्यमंत्र्यांच्या दोन भूमिका
एकनाथ शिंदेंना काळे फासण्याचा इशारा; शिवसेनेच्या महिला पदाधिकाऱ्याला पोलिसांनी घेतलं ताब्यात
