Authored by Maharashtra Times | Updated: Jul 22, 2022, 10:49 PM

वेस्ट इंडिजने नाणेफेक जिंकत प्रथम गोलंदाजी स्विकारली आणि हीच गोष्ट भारताच्या पथ्यावर पडली. शिखर आणि गिल यांनी यावेळी संघाला दमदार सलामी देत धावांचा मजबूत पाया रचला. धवन आणि गिल यांना ११९ धावांची सलामी देता आली. शतकाला फक्त तीन धावांची गरज असताना धवन बाद झाला. धवनने यावेळी १० चौकार आणि तीन षटकारांच्या जोरावर ९७ धावांची महत्वपूर्ण खेळी साकारली.

 

shikhar dhawan
सौजन्य-बीसीसीआय ट्विटर

हायलाइट्स:

  • शिखर धवनचे शतक यावेळी फक्त तीन धावांनी हुकले.
  • शुभमल गिलने ६४ धावांची खेळी साकारली आणि धवनबरोबर शतकी सलामी दिली.
  • श्रेयस अय्यरने यावेळी ५४ धावा केल्या.
पोर्ट ऑफ स्पेन : भारताच्या फलंदाजांनी पहिल्याच सामन्यात वेस्ट इंडिजच्या गोलंदाजीची चांगलीच धुलाई केली. शिखर धवनचे शतक यावेळी फक्त तीन धावांनी हुकले, तर शुभमन गिल आणि श्रेयस अय्यर यांनी अर्धशतके झळकावली. त्यामुळे भारताला पहिल्याच वनडे सामन्यात ३०८ धावांचा डोंगर उभारता आला.

वेस्ट इंडिजने नाणेफेक जिंकत प्रथम गोलंदाजी स्विकारली आणि हीच गोष्ट भारताच्या पथ्यावर पडली. शिखर आणि गिल यांनी यावेळी संघाला दमदार सलामी देत धावांचा मजबूत पाया रचला. गिल आणि धवन यांनी सुरुवातीपासूनच जबरदस्त फटक्यांनी सर्वांची मनं जिंकली. सुरुवातीला धवनपेक्षा गिल हा चांगलाच आक्रमक फलंदाजी करत असल्याचे पाहायला मिळाले. इशान किशन आणि ऋतुराज गायकवाड यांची स्पर्धा असतानाही गिलला या सामन्यात खेळण्याची संधी दिली आणि गिलने या सामन्यात संधीचे सोने केले. गिलने यावेळी धडाकेबाज फटकेबाजी करत ५३ चेंडूंत सहा चौकार आणि दोन षटकारांच्या जोरावर ६४ धावांची जबरदस्त खेळी साकारली. त्यामुळेच धवन आणि गिल यांना ११९ धावांची सलामी देता आली.

गिल बाद झाल्यावर सलामीची जोडी फुटली खरी, पण धवन मात्र त्यानंतर चांगल्या लयीत आल्याचे पाहायला मिळाले. स्थिरस्थावर झाल्यावर धवनने धावांचा वेग वाढला. यावेळी त्याला श्रेयस अय्यरचीही चांगली साथ मिळाली. कारण धवन आणि अय्यर यांच्यामध्ये दुसऱ्या विकेटसाठी ९४ धावांची महत्वाची भागीदारी पाहायला मिळाली. धवन यावेळी दमदार फटकेबाजी करत नव्वदीमध्ये शिरला होता. त्यामुळे आता धवन शतक झळकावेल, असे वाटत होते. धवनचे हे वेस्ट इंडिजबरोबरचे पहिले शतक ठरले असते. पण यावेळी शतकाला फक्त तीन धावांची गरज असताना धवन बाद झाला. धवनने यावेळी १० चौकार आणि तीन षटकारांच्या जोरावर ९७ धावांची महत्वपूर्ण खेळी साकारली. धवन बाद झाल्यावर अय्यर जास्त काळ खेळपट्टीवर टिकू शकला नाही. अय्यरने यावेळी ५ चौकार आणि दोन षटकारांच्या जोरावर ५४ धावा केल्या. अय्यर बाद झाल्यावर भारताच्या एकाही फलंदाजाला मोठी खेळी साकारता आली नाही. त्यामुळे भारताचे ३५० धावांचे स्वप्न यावेळी भंग पावले.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : team india given 309 runs target to west indies in 1st odi, shikhar dhawan slams 97 runs
Marathi News from Maharashtra Times, TIL Network

LEAVE A REPLY

Please enter your comment!
Please enter your name here