meghalaya bjp leader, भाजप उपाध्यक्षाच्या फार्महाऊसवर छापा; सेक्स रॅकेटचा पर्दाफाश, ५०० कंडोम सापडले, ७३ अटकेत – meghalaya: bjp vp bernard n marak in tura was allegedly running brothel says police

मरक यांच्या मालकीच्या फार्महाऊसवर गोपनीय माहितीच्या आधारे छापा टाकण्यात आला. त्याठिकाणी सहा अल्पवयीन बालकं (चार मुलं आणि दोन मुली) आढळून आली, अशी माहिती पश्चिम गारो हिल्स जिल्ह्याचे पोलीस अधीक्षक विवेकानंद सिंह यांनी पीटीआयला दिली. रिंपू बागान नावाच्या फार्म हाऊसवर अल्पयवीन मुलांना कोंडून ठेवण्यात आलं होतं. बर्नार्ड मरक आणि त्यांचे सहकारी या ठिकाणाहून सेक्स रॅकेट चालवायचे.

फार्महाऊसवरून सुटका करण्यात आलेल्या बालकांचा ताबा जिल्हा बाल संरक्षण अधिकाऱ्यांनी घेतला आहे. पोलिसांना छापेमारीदरम्यान दारुच्या ४०० बाटल्या आणि ५०० हून अधिक कंडोम सापडले. या ठिकाणाहून ७३ जणांना अटक करण्यात आली. अवैध कारवायांमध्ये सहभागी असल्याच्या आरोपांवरून त्यांना अटक करण्यात आली आहे. फार्महाऊसवर ३० लहान खोल्या आहेत.
शिवरायांच्या मूर्तीमुळे जाऊ दिले नाही, भाविकाच्या आरोपानंतर तिरुपती देवस्थानने दिले स्पष्टीकरण
फेब्रुवारी २०२२ मध्ये एका मुलीवर लैंगिक अत्याचार झाले होते. त्या प्रकरणी गुन्हादेखील दाखल झाला होता. तो गुन्हा मरक यांच्याच फार्महाऊसवर घडला असावा असा संशय पोलिसांना आहे. वेश्या व्यवसाय चालवत असल्याचा आरोप मरक यांनी फेटाळला आहे. त्यांनी थेट मुख्यमंत्री कोनराड संगमा यांच्यावरच निशाणा साधला.
स्मृती इराणी अडचणीत; १८ वर्षीय कन्या गोव्यात बार चालवत असल्याचा गंभीर आरोप
मुख्यमंत्री हताश झाले आहेत. भाजपच्या दक्षिण तुरा मतदारसंघात त्यांचा पराभव होणार याची त्यांना कल्पना आहे. त्यामुळेच माझ्या फार्महाऊसवर छापा टाकून माझी प्रतिमा मलीन करण्याचा प्रयत्न सुरू आहे. राजकीय सूडभावनेपोटी हा छापा टाकण्यात आला आहे, असा आरोप मरक यांनी केला. मरक यांना अद्याप अटक करण्यात आलेली नाही. मेघालयमध्ये एनडीएचं सरकार आहे. संगमा यांचा नॅशनल पीपल्स पक्ष सत्तेतला सर्वात मोठा घटकपक्ष आहे.