shivaji maharaj, शिवाजी महाराज, रामदास स्वामींसंदर्भात बीएच्या परीक्षेत आक्षेपार्ह प्रश्न; अंनिस आक्रमक – andhashraddha nirmulan samiti demands apology from yashwantrao chavan open university

छत्रपती शिवाजी महाराजांच्या राजनीतिला समर्थ रामदासांनी केलेले योगदान सांगा, मनुस्मृती या ग्रंथाचे सामाजिक महत्त्व स्पष्ट करा असे आक्षेपार्ह प्रश्न राज्यशास्त्र विषयाच्या प्रश्नपत्रिकेत विचारण्यात आले होते. विद्यापीठानं परीक्षेत असे प्रश्न विचारणं म्हणजे वैज्ञानिक दृष्टिकोन रुजवण्याच्या तत्त्वाला हरताळ फासण्याचा प्रकार असल्याची टीका अंनिसनं केली आहे.

यशवंतराव चव्हाण यांचं नाव असलेल्या विद्यापीठात संविधानविरोधी अभ्यासक्रमाचा समावेश कसा आणि कोणामार्फत करण्यात आला? छत्रपती शिवाजी महाराज आणि रामदास स्वामी यांची भेट झाली नसल्याचं इतिहास संशोधक आणि उच्च न्यायालयाच्या औरंगाबाद खंडपीठानं जुलै २०१८ च्या निकालात म्हटलं आहे. मग अशा प्रकारे खोटा इतिहास कोण जाणून बुजून शिकवत आहे? असा सवाल निर्माण झाला आहे.