uddhav thackeray, ‘उद्धवजी इतरांना म्हणतात माझ्या वडिलांचा फोटो वापरू नका, मग तुम्ही मोदींचा फोटो का वापरला?’ – if uddhav thackeray told others not to use balasaheb thackeray photo then why he used pm modi photo in 2019 elections says bjp sudhir mungantiwar

उद्धव ठाकरे म्हणतात की, विरोधी पक्ष संवेदनशील आणि सुसंस्कृत असावा. ते इतरांना गद्दार म्हणतात. मग २४ ऑक्टोबर २०१९ ला तुम्ही काय केले? तुम्ही विधानसभेत असंसदीय शब्द वापरता, आम्ही विरोधकांच्या उरावर बसू, असे म्हणता. आता उद्धव ठाकरे विरोधी पक्षात आहेत, त्यांच्याकडून आम्हाला संवेदनशील आणि सुसंस्कृतपणाची अपेक्षा आहे. उद्धव ठाकरे असेही म्हणाले की, सुडाचे राजकारण करू नका. पण नितेश राणे, नारायण राणे यांच्यावरील कारवाई, देवेंद्र फडणवीस यांना पाठवण्यात आलेली नोटीस आणि हनुमान चालीसा म्हणून पाहणाऱ्या खासदार नवनीत राणा यांना १४ दिवस जेलमध्ये टाकून तुम्ही काय केलेत, असा सवाल सुधीर मुनगंटीवार यांनी उपस्थित केला.
राणे, भुजबळांना जी फूट पाडता आली नाही, ती आता कशी काय पडली? उद्धव ठाकरे म्हणतात…
गेल्या ६० वर्षांमध्ये मुख्यमंत्री काम करायचे, त्याची बातमी होत नसे. आईने मुलासाठी स्वयंपाक केला, तर त्यामध्ये बातमी करण्यासारखे काहीही नसते. मात्र, ६० वर्षांमध्ये पहिल्यांदा मुख्यमंत्री मंत्रालयात गेले, याची बातमी झाली, अशी खोचक टिप्पणी सुधीर मुनगंटीवार यांनी केली.