Authored by Edited by सुनील तांबे | महाराष्ट्र टाइम्स.कॉम | Updated: Jul 27, 2022, 1:41 AM

Threats to blow up railway : काल २६ जुलैला अकोला रेल्वे पोलिसांना अकोला-पूर्णा सुपरफास्ट पॅसेंजर (रेल्वे क्रमांक १७६८३) या रेल्वेत बॉम्ब ठेवल्याचा आणि अकोल्याचे भाजपचे खासदार यांचे निवासस्थान बॉम्ब उडवून देण्याची धमकीचा कॉल आला. त्यानंतर अकोला पोलिसांचे स्थानिक गुन्हे शाखेचे पथक, विशेष पथक, श्वान पथक, बॉम्ब पथक, जीआरपी, आरपीएफ, एससीआर पथकासह वरिष्ठ पोलीस अधिकाऱ्यांनी आणि कर्मचाऱ्यांनी अकोला रेल्वे स्थानकावर हजेरी लावली.

 

threats to blow up the railway as well as bjp mps house in akola
ल्वे, तसेच भाजप खासदाराचे घर बॉम्बने उडवण्याची धमकी
अक्षय गवळी, अकोला

अकोला-पूर्णा सुपरफास्ट पॅसेंजर रेल्वे आणि अकोल्याच्या भाजपच्या खासदाराचे घर बॉम्बने उडवण्याची धमकी देण्यात आल्याची खळबळजनक माहिती मुंबईच्या पोलीस नियंत्रण कक्षाने अकोला पोलिसांना दिली. या माहितीनुसार अकोला-पूर्णा सुपरफास्ट पॅसेंजरमध्ये बॉम्ब ठेवल्याचा फोन येताच, अकोला पोलीस दलात खळबळ उडाली. रेल्वे पोलिसांसह अकोला पोलिसांनी काल मंगळवारी रात्री १० वाजून ४० मिनिट पर्यत संपूर्ण रेल्वेची तपासणी केली. यासोबतचं रेल्वेतील प्रवाशांची तपासणी झाली. तर खासदारांच्या निवासस्थानी बंदोबस्त वाढविण्यात आला. (threats to blow up the railway as well as bjp mps house in akola)

काल २६ जुलैला अकोला रेल्वे पोलिसांना अकोला-पूर्णा सुपरफास्ट पॅसेंजर (रेल्वे क्रमांक १७६८३) या रेल्वेत बॉम्ब ठेवल्याचा आणि अकोल्याचे भाजपचे खासदार यांचे निवासस्थान बॉम्ब उडवून देण्याची धमकीचा कॉल आला. त्यानंतर अकोला पोलिसांचे स्थानिक गुन्हे शाखेचे पथक, विशेष पथक, श्वान पथक, बॉम्ब पथक, जीआरपी, आरपीएफ, एससीआर पथकासह वरिष्ठ पोलीस अधिकाऱ्यांनी आणि कर्मचाऱ्यांनी अकोला रेल्वे स्थानकावर हजेरी लावली. अन् रेल्वे स्थानकावरून प्लॅटफॉर्म क्रमांक पाचवर उभी असलेली अकोला-पूर्णा सुपरफास्ट पॅसेंजरची तपासणी सुरु केली.

या दरम्यान, रेल्वेच्या प्रवाशांची कसून चौकशीसह तपासणी झाली. या घटनेने काल अकोला पोलीस दलात प्रचंड खळबळ उडाली होती. काल मंगळवारी रात्री १० वाजेपासून तपासणी सुरु झाली अन् तब्बल ३० मिनिटांवर शोध मोहीम चालली. श्वान पथकाद्वारे या सर्चिंगला सुरुवात झाली, बघता बघता सर्व रेल्वेच्या डब्यांची तपासणी झाली. या दरम्यान रेल्वेमध्ये बसलेल्या प्रवाशांचे फोटो काढण्यात आले. झडतीद रम्यान डब्यांमध्ये कोणतीही संशयास्पद वस्तू, संशयास्पद व्यक्ती आढळून आली नाही, त्यानंतर रेल्वे आपल्या मार्गाने रवाना झाली. यादरम्यान धमकी देण्यात आलेला फोन फसवणूक फोन असल्याचं समजते. तरी अकोला जीआरपी पोलीस ठाण्याचे प्रमुख अर्चना गडवे आणि मुंबई पोलिसांद्वारे या बॉम्ब कॉलचा तपास सुरु आहे.

दरम्यान, अकोल्याचे भाजपचे खासदार यांचं घरंही बॉम्बने उडवून देण्यात आल्याची धमकी देण्यात आली होती. त्यानंतर त्यांच्या घराशेजारील परिसराची तपासणी झाली. सध्या त्यांच्या निवासस्थानी पोलीस बंदोबस वाढवण्यात आला असल्याची माहिती आहे. तर रेल्वे पोलिसांनीही त्यांच्या निवासस्थानी भेटी दिल्या. आता अकोला-पूर्णा सुपरफास्ट पॅसेंजर रेल्वेमध्ये बॉम्ब अन् खासदारांचं घर उडून देण्यात येईल, या संदर्भात कुणी फोनवर माहीती दिली अन् फोन कुठून आला. याचा तपासही पोलीस करीत आहे. परंतु कालच्या या घटनेमुळे अकोला पोलिसांमध्ये प्रचंड धावपळ झालीय.

LEAVE A REPLY

Please enter your comment!
Please enter your name here