उद्धव ठाकरे संजय राऊतांना म्हणाले, ‘ ईडी तुम्हालाही अटक करु शकते, भाजपसोबत गेलात तर…’
कसा असेल उद्धव ठाकरे ठाकरेंचा महाराष्ट्रव्यापी दौरा?
शिंदे गटाच्या दाव्यामुळे शिवसेना कुणाची, हा प्रश्न निर्माण झाल्याने उद्धव ठाकरे हे सावध पावलं उचलत आहेत. त्यांनी लगेच दौऱ्याला सुरुवात करण्यापेक्षा पक्षातील सदस्य नोंदणीवर भर दिला आहे. मात्र ही सदस्य नोंदणी पूर्ण होताच मी साधारणतः ऑगस्टमध्ये बाहेर पडणार आहे, असं ठाकरे यांनी स्पष्ट केलं.
तुम्ही स्वतः सुरतला गेला असता तर…; राऊतांनी प्रश्न विचारताच उद्धव ठाकरेंकडून बंडखोरांवर प्रश्नांची सरबत्ती‘गेल्याच आठवड्यात जिल्हाप्रमुखांना काही सूचना दिल्यात, जास्तीत जास्त सदस्य नोंदणी, त्याच्यानंतर सक्रिय कार्यकर्त्यांची नोंदणी. हे मोठ्या प्रमाणात आता सुरू आहे. आता आदित्य फिरतोय. एका एका टप्प्याने जातोय. ठीक आहे. त्याच्यानंतर मी राज्यात फिरायला लागेन तेव्हा त्यात या लोकांना येण्यासाठी ही कामं सोडावी लागतील म्हणून मी तेवढय़ासाठी थांबलोय. एकदा ही नोंदणीची कामं होऊ द्या. मग मी बाहेर पडेन. सगळे नेते माझ्यासोबत फिरतील. अख्ख्या राज्याचा दौरा होईल. राज्यात वादळ निर्माण करू,’ असा विश्वास उद्धव ठाकरे यांनी व्यक्त केला आहे.
दरम्यान, शिवसेनेचं तुफान आहेच. लोकांच्या मनात, हृदयात आजही तुफान आहे. महाराष्ट्रात शिवसेनेचं तुफान पुन्हा येईल, असंही उद्धव ठाकरे यांनी म्हटलं आहे.
