अक्षय गवळी, अकोला : हळदीच्या व्यापाऱ्याला धमकीच पत्र मिळाले. या पत्रातून धमकी देत थेट व्यापाऱ्याला पाच लाख रुपयांची खंडणीची मागणी केली. मागणी पूर्ण न केल्यास तुमच्या मुलासह तुमचा खून करून स्वतःही आत्महत्या करेल अशी धमकी देत पैशाची मागणी घातली. हा धक्कादायक प्रकार अकोला जिल्ह्यातील अकोट शहरात घडला आहे. सध्याची आकोट पोलिसांनी धमकीच पत्र देत खंडणी मागणाऱ्याला अटक केली. काल मंगळवारी रात्री सापळा बसून या खंडणी बहाद्दराला अटक करण्यात आली.

जिल्ह्यातील अकोट शहरात कृषी उत्पन्न बाजार समितीत अशोक गोठवाल यांचे हळदीचे दुकान आहे. तालुक्यातील अनेक शेतकरी येथे हळद विक्रीसाठी घेऊन येत असतात. त्यामुळे गोठवाल हे नामांकित व्यापारी असल्याचे समजते. दरम्यान, गोठवाल नेहमीप्रमाणे सोमवारी सकाळी आपलं दुकान उघडण्यासाठी गेले, दुकान उघडताच त्यांना त्यांच्या दुकानात प्लास्टिकच्या पिशवीमध्ये एक धमकीच पत्र मिळालं. या धमकीच्या पत्राद्वारे थेट त्यांना पाच लाख रुपयांची खंडणी मागितली.

महिलेच्या त्रासाला कंटाळून तरुणाचं टोकाचं पाऊल, कुटुंबियांचा धक्कादायक आरोप; पुण्यात खळबळ
या संदर्भात त्यांनी लागलीच अकोट पोलिसांकडे धाव घेतली. त्यानंतर पोलिसांनी खंडणी मागणाऱ्याला सापळा असून अटक केली. आयपीएस रितू खोकर आणि नितीन देशमुख, स्थानिक गुन्हे शाखाचे पोलीस निरीक्षक संतोष महल्ले यांच्या मार्गदर्शनात संपूर्ण प्रकरण उघडकीस आलं. आशिष असं या आरोपीचे नाव असून तेल्हारा तालुक्यातील रहिवासी असल्याचे समजते.

पत्राद्वारे अशी दिली धमकी

‘अशोक आबा नमस्कार, मी तुम्हाला चांगल्याने ओळखतो आणि तुम्ही मला ओळखत असणार. तुम्हाला हात जोडून विनंती करतो. माझी परिस्थिती खूप बिकट असून मी अत्यंत गरीब आहे. माझ्या अंगावर खूप कर्ज झालं आहे. लोकांचे मला पैसे द्यावे लागतात. त्यामुळे मला तुम्ही पाच लाख रुपये द्या. पैसे न दिल्यास मी तुमचा मुलगा अमोल आणि तुम्हाला दोघांनाही ठार मारून टाकेल आणि स्वतःही नंतर आत्महत्या करणार. त्यामुळे तुम्ही मला पाच लाख रुपये द्या. मला पैसे दिल्यास तुमचं काही हलकं भारी होणार नाही. कारण तुमच्याजवळ भरपूर पैसा आहे. मंगळवारी रात्री आठ वाजता अकोट आणि लोहारी रस्त्यावरील एमआयडीसी जवळ असलेल्या प्रधानमंत्री सडक योजना या बोर्डाजवळ पैशाची बॅग ठेवून परत जा. अशी विनंती करतो’ अशा प्रकारचं धमकीचं पत्र लिहत थेट पैशाची मागणी करण्यात आली होती.

Hooch Tragedy : ना मळमळ, ना उल्टी, थेट ब्रेन डेड! विषारी दारू दुर्घटनेतील मृत्यूचं धक्कादायक सत्य
सापळा रचून पोलिसांनी केली अटक…

अशोक गोठवाल यांना धमकीच पत्र मिळतात त्यांनी लागलीच अकोट पोलिसांकडे तक्रार केली. तक्रारीनंतर पोलिसांनी गोठवाल यांना पैशाची बॅक खंडणी मागणाऱ्या व्यक्तीने जिथे सांगितले तिथे ठेवून देण्यास सांगितले. त्यानंतर पोलीस या ठिकाणी सापळा रचून ठाम होते. पैशाची बॅग ठेवल्यानंतर गोठवाल हे परतले. अन् थोड्या वेळानंतर म्हणजेच मंगळवारी रात्री साडेनऊ वाजताच्या सुमारास खंडणी मागणारा इथे आला, त्याने बॅग उचलली. हे पाहताच सापळा रचून बसलेल्या पोलिसांनी त्याला रंगेहात पकडले.

खंडणी मागणारे आशिष नामक व्यक्ती असल्याचा समजते. आशिष हा शेतकरी असून अशोक गोठवाल यांच्याकडं हळद विक्रीसाठी घेऊन येत असायचा. आता पोलिसांनी आशिषविरुद्ध खंडणीचे गुन्हे दाखल केले असून त्याला काल रात्री उशिरा अटक करण्यात आली आहे.

सर्वांत उंच पूल घेतोय मुंबईत आकार; वाहतूककोंडीपासून मुंबईकरांची सुटका होणार, असा असेल उड्डाणपूल

LEAVE A REPLY

Please enter your comment!
Please enter your name here