मुंबई: डॉक्टर आणि त्यांच्या पत्नीला कॉल करून त्यांना ब्लॅकमेल करणाऱ्या आरोपीविरोधात पोलिसांनी गुन्हा दाखल केला आहे. पैसे न दिल्यास तुमचे खासगी फोटो व्हायरल करू, अशी धमकी दाम्पत्याला मिळाली होती. त्यानंतर दाम्पत्यानं खार पोलीस ठाण्यात तक्रार दाखल केली. या प्रकरणी पोलिसांनी एफआयआर दाखल केला असून गुन्हेगाराचा शोध घेतला जात आहे.

एम. जियाबुद्दिन अब्दुल अझिझ असं आरोपीचं नाव आहे. अब्दुल अझिझ डॉक्टरांच्या घरी काम करायचा. चार वर्षे त्यानं अझिझ यांच्याकडे काम केलं. २०१६ मध्ये त्यानं डॉक्टरांच्या घरात चोरी केली. या प्रकरणी डॉक्टरांनी गुन्हा दाखल केला. त्याचा सूड घेण्यासाठी अझिझ डॉक्टरांना ब्लॅकमेल करू लागला. डॉक्टरांच्या घरातून चोरलेल्या काही फोटोंच्या आधारे त्यानं ब्लॅकमेल करण्यास सुरुवात केली.
२० कोटींची रोकड, ३ किलो सोनं; अर्पिता मुखर्जीच्या घरात घबाड सापडले; ईडीनं २० ट्रक मागवले
अझिझनं डॉक्टर दाम्पत्याला फोन करून पैशांची मागणी केली. पैसे न दिल्यास तुमचे फोटो व्हायरल करू, अशी धमकी अझिझनं दिली. अझिझचा शोध घेण्यासाठी खार पोलिसांनी पथक तयार केलं आहे. आरोपीचा हेतू नेमका काय आहे, ते त्याच्या अटकेनंतरच स्पष्ट होईल, असं खार पोलीस स्थानकातील अधिकाऱ्यानं सांगितलं.
कपडे फाटलेले, रक्ताचा एक थेंबही नाही; १४व्या मजल्यावरून पडून तरुणीचा मृत्यू, हत्येचा संशय

LEAVE A REPLY

Please enter your comment!
Please enter your name here