Uddhav Thackeray speech at Matoshree | मला फोन आल्यानंतर मी नीलमताईंना भेटून तर बघू, असा विचार केला. आम्ही भेटल्यानंतर जवळपास दोन-तीन तास बोलत होतो. त्या मला वेगवेगळे प्रश्न विचारत होत्या. हिंदुत्व म्हणजे काय? मग शिवसेनाप्रमुख असं का बोलतात? हे असंच का, तसंच का, असे अनेक प्रश्न त्यांनी मला विचारले. मी मनात म्हटलं की, या ताईंना शिवसेनेत यायचं तर नाही, मग या वेळ का घालवत आहेत?

 

Uddhav thackeray Neelam Gorhe (1)
नीलम गोऱ्हे आणि उद्धव ठाकरे

हायलाइट्स:

  • त्या कडवट हिंदुत्त्ववादी कधीच नव्हत्या
  • ताईंना शिवसेनेत यायचं तर नाही, मग या वेळ का घालवत आहेत?
  • मला आश्चर्य वाटलं नीलमताईंमध्ये हा बदल कसा झाला?
मुंबई: एकनाथ शिंदे यांच्या बंडानंतर शिवसेनेतील गळती लागली असतानाच दुसरीकडे नवनवे साथीदार शिवसेनेच्या गोटात दाखल होत आहेत. याच पंक्तीत आता आंबेडकरी चळवळीतील कार्यकर्त्या सुषमा अंधारे (Sushma Andhare) यांचा समावेश झाला आहे. सुषमा अंधारे यांनी गुरुवारी मातोश्रीवर शिवसेना पक्षप्रमुख उद्धव ठाकरे (Uddhav Thackeray) आणि शिवसेनेच्या नेत्या नीलम गोऱ्हे (Neelam Gorhe) यांच्या उपस्थितीत हातात शिवबंधन बांधले. यावेळी उद्धव ठाकरे यांनी उपस्थितांशी संवाद साधला. त्यांनी आपल्या भाषणात विविध लोकं शिवसेनेशी कशी जोडत गेली, हे सांगितले. यामध्ये त्यांनी नीलम गोऱ्हे यांच्या शिवसेनेतील प्रवेशाचा मजेशीर किस्सा आवर्जून सांगितला. (Shivsena chief Uddhav Thackeray speech at Matoshree)

नीलमताई यांची राजकीय वाटचाल पाहिली तर त्या कडवट हिंदुत्त्ववादी कधीच नव्हत्या. मला तर वाटतं त्या पलीकडच्या बाजूलाच होत्या. २४ वर्षांपूर्वी मला कोणीतरी फोन केला. नीलम गोऱ्हे यांना तुम्हाला भेटायचं असल्याचे समोरच्याने सांगितले. त्यावर मी थोडा विचार केल्याचे उद्धव ठाकरे यांनी म्हटले. यावेळी उद्धव ठाकरे, ‘बाई तशा थोडाशा….’ बोलून थांबले. त्यानंतर नीलम गोऱ्हे यांनीच स्वत:ला ‘खडूस’ म्हणवून घेत उद्दव ठाकरे यांची सुटका केली. त्यानंतर उद्धव ठाकरे यांनी पुढील किस्सा सांगायला प्रारंभ केला.
शिवसेना प्रवेश करताच सुषमा अंधारे यांना गिफ्ट, उद्धव ठाकरे यांच्याकडून मोठी जबाबदारी
मला फोन आल्यानंतर मी नीलमताईंना भेटून तर बघू, असा विचार केला. आम्ही भेटल्यानंतर जवळपास दोन-तीन तास बोलत होतो. त्या मला वेगवेगळे प्रश्न विचारत होत्या. हिंदुत्व म्हणजे काय? मग शिवसेनाप्रमुख असं का बोलतात? हे असंच का, तसंच का, असे अनेक प्रश्न त्यांनी मला विचारले. मी मनात म्हटलं की, या ताईंना शिवसेनेत यायचं तर नाही, मग या वेळ का घालवत आहेत? आम्ही जवळपास तीन तास बोलत होतो, मला खूप भूक लागली होती. मग मी नीलमताईंना म्हणालो की, आपण पुन्हा भेटू. त्यानंतर नीलमताई निघून गेल्या. परंतु, नीलमताईंचा दुसऱ्याच दिवशी मला फोन आला. तेव्हा नीलमताई म्हणाल्या की, ‘मी तुमच्याशी बोलल्यानंतर काल विचार केला, आईबाबांशी बोलले. मी शिवसेनेत प्रवेश करण्याचा निर्णय घेतला आहे’, असे त्यांनी मला सांगितले. मला आश्चर्य वाटलं नीलमताईंमध्ये हा बदल कसा झाला? त्यानंतर आज २४ वर्षे उलटली नीलमताई शिवसेनेसोबत प्रामाणिक आहेत, असे उद्धव ठाकरे यांनी सांगितले.
Shivsena: ‘मातोश्री’साठी खास संदेश; ‘उद्धवजी को हमारा पैगाम देना, तमाम मुस्लीम कौम आपके साथ है’
आजही अशा अनेक गोष्टी आहेत ज्या लोकांपर्यंत स्पष्ट झालेल्या नाहीत. शिवसेनेचं हिंदुत्व म्हणजे आहे तरी काय? हिंदू नेमकं काय करतात, फक्त पूजाअर्चा करतात का? सगळ्याच धर्माचे लोक आपापल्या पद्धतीने पूजाअर्चा करत असतात. पण आम्ही फक्त तेवढंच करत बसतो का? शिवसेनाप्रमुखांच्या भाषेचा नेमका अर्थ काय, हे अनेकांना आजही स्पष्टपणे समजले नसल्याचे उद्धव ठाकरे यांनी म्हटले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network

LEAVE A REPLY

Please enter your comment!
Please enter your name here