Eknath Shinde meets Manohar Joshi | राज्यात सत्तांतर झाल्यानंतर अनेक नगरसेवक आणि स्थानिक पदाधिकाऱ्यांनी उद्धव ठाकरे यांना अलविदा करून एकनाथ शिंदे (Eknath Shinde) गटाचा हात धरला आहे. मात्र, शिवसेनेतील जुनी खोडं असणाऱ्या निष्ठावंतांचा पाय अजूनही उद्धव ठाकरेंच्या गोटातून निघत नाही. यापैकी काही जुनेजाणते नेते हे शिवसेनेच्या राष्ट्रीय कार्यकारिणीचा भाग आहेत.
हायलाइट्स:
- एकनाथ शिंदे यांनी आज शिवसेनेचे ज्येष्ठ नेते लीलाधर डाके यांची भेट घेतली होती
- निष्ठावंतांचा पाय अजूनही उद्धव ठाकरेंच्या गोटातून निघत नाही
- जुनेजाणते नेते हे शिवसेनेच्या राष्ट्रीय कार्यकारिणीचा भाग आहेत
Sanjay Raut: संजय राऊतांवर बोलायला मला वेळ नाही, आमच्या पक्षातील छोटे प्रवक्ते बोलतील: फडणवीसमनोहर जोशी हे बाळासाहेब ठाकरे यांच्या काळात शिवसेनेतील पहिल्या फळीतील प्रमुख नेत्यांपैकी एक होते. भाजप-शिवसेना युतीचे सरकार असताना मनोहर जोशी यांनी राज्याचे मुख्यमंत्रीपदही भुषविले होते. मात्र, उद्धव ठाकरे यांनी शिवसेनेची सूत्रे हाती घेतल्यानंतर मनोहर जोशी हे गेल्या काही वर्षांपासून शिवसेनेत बिलकूल सक्रिय नव्हते. उद्धव ठाकरे यांच्या मर्जीतून उतरल्यामुळे एकेकाळी मुख्यमंत्री राहिलेल्या पंतांना शिवसेनेच्या पक्षसंघटनेतून अलगद बाजूला करण्यात आले होते. त्यानंतर मनोहर जोशी शिवसेनेत अडगळीतच पडले होते, असे म्हटल्यास वावगे ठरणार नाही. मात्र, आता एकनाथ शिंदे यांची भेट घेतल्यानंतर मनोहर जोशी हे काय भूमिका घेतात, हे पाहावे लागेल.
एकनाथ शिंदे यांच्यासाठी शिवसेनेतील ज्येष्ठ नेते का महत्त्वाचे?
राज्यात सत्तांतर झाल्यानंतर अनेक नगरसेवक आणि स्थानिक पदाधिकाऱ्यांनी उद्धव ठाकरे यांना अलविदा करून एकनाथ शिंदे गटाचा हात धरला आहे. मात्र, शिवसेनेतील जुनी खोडं असणाऱ्या निष्ठावंतांचा पाय अजूनही उद्धव ठाकरेंच्या गोटातून निघत नाही. यापैकी काही जुनेजाणते नेते हे शिवसेनेच्या राष्ट्रीय कार्यकारिणीचा भाग आहेत. न्यायालयात पक्षांतर बंदी कायद्याचा कीस पडल्यास शिवसेनेची राष्ट्रीय कार्यकारिणी आणि शिवसेनेची घटना, हे दोन घटक महत्त्वपूर्ण ठरू शकतात. त्यामुळे सर्वोच्च न्यायालयाच्या सुनावणीपर्यंत शिवसेनेतील जमतील तितके निष्ठावंत आपल्या बाजूला वळवण्यासाठी एकनाथ शिंदे यांचे जोरदार प्रयत्न सुरु केले आहेत.
भावना गवळी शिंदे गटात, घटस्फोटित पती मात्र ठाकरेंसोबत, शिवबंधन हाती
या पार्श्वभूमीवर एकनाथ शिंदे यांनी आज शिवसेनेचे ज्येष्ठ नेते लीलाधर डाके यांची भेट घेतली. लीलाधर डाके हे शिवसेनेतील बुजुर्ग नेत्यांपैकी एक आहेत. काही दिवसांपूर्वीच शिंदे यांनी खासदार गजानन किर्तीकर यांची भेट घेतली होती. ही सर्व मंडळी शिवसेनेतील जुनीजाणती आणि निष्ठावंत म्हणून ओळखली जातात. या लोकांना आपल्या बाजूने वळवल्यास उद्धव ठाकरे यांना सोडून एकनाथ शिंदे गटात येण्यास कचरत असलेल्या शिवसैनिकांची मानसिकता कदाचित बदलू शकते, असा अंदाज आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
