नागपूर : शहरात अंत्यविधेला गेले असता पार्थिवाला अग्नी देताना जळत्या लाकडाचा निखारा जवळच असलेल्या डिझेलच्या ड्रमवर पडला आणि त्या डिझेलचा भडका उडाला. यात तिन जण होरपळले गेले. अंत्ययात्रेत सहभागी झालेल्यांपैकी तिघे भाजल्याने गंभीर जखमी झाले. यातील दोघांचा उपचारादरम्यान मृत्यू झाला आहे. ही घटना कामठी शहरातील राणी तलाव मोक्षधाम येथे गुरूवारी २८ रोजी सायंकाळी घडली.

सुधीर डोंगरे (वय ४५), दिलीप गदभिजे (६०) अशी मृतकांची नावं आहेत. तर सुधाकर खोब्रागडे (वय ५०) यांच्यावर उपचार सुरू आहेत. हे तिघेही रा. खलासी लाइन, नागसेननगर, कामठीतील रहिवासी आहेत. सिद्धार्थ हुमने, रा. मोदी पाडाव, कामठी यांचे गुरूवारी अपघाती निधन झाल्याने त्यांच्या पार्थिवावर राणी तलाव मोक्षधाम येथे अंत्यसंस्कार करण्यात आले. त्यांच्या अंत्ययात्रेत इतरांसह सुधीर डोंगरे, दिलीप गजभिये व सुधाकर खोब्रागडे सहभागी झाले होते. सिद्धार्थ हुमने यांचे पार्थिव सरणावर ठेवल्यानंतर त्यांच्या चितेला अग्नी देण्यात आला.

बाळासाहेबांनी जाहीर केलेला पहिला उमेदवार, राणेंचे कट्टर समर्थक; आता शिंदे गटात प्रवेश
पार्थिव व्यवस्थित जळावे यासाठी काहीजण सरणावर डिझेल फेकत होते. त्यातच जळत्या लाकडाचा निखारा उडाला आणि डिझेलच्या डबकीवर पडला. त्यामुळे डबकीतील डिझेलचा भडका उडाल्याने डबकीजवळ असलेल्यांनी लगेच पळ काढला. मात्र, सुधीर डोंगरे, दिलीप गजभिये व सुधाकर खोब्रागडे गंभीररित्या भाजले गेले. इतरांनी लगेच तिघांच्या कपड्यांना लागलेली आग विझवली आणि त्यांना कामठी शहरातील उपजिल्हा रूग्णालयात घेऊन जाण्यात आले. घटनेची माहिती मिळताच कामठी पोलिसांनी घटनास्थळी पाहणी करून पंचनामा केला.

तिघांवर प्रथमोपचार केल्यानंतर दिलीप गजभिये आणि सुधाकर खोब्रागडे यांना नागपूर शहरातील मेयो रूग्णालयात, तर सुधीर डोंगरे यांना कामठी शहरातील खासगी रूग्णालयात भरती करण्यात आले. मात्र, उपाचारादरम्यान यातील दोघांचा मृत्यू झाला.

शिवसेना मिळवण्यासाठी एकनाथ शिंदेंचा मास्टर प्लान; जे आदित्य ठाकरेंनी केले तेच पुन्हा…

LEAVE A REPLY

Please enter your comment!
Please enter your name here