हिंगोली : कळमनुरी विधानसभा मतदारसंघाचे आमदार संतोष बांगर (MLA Santosh Bangar) हे सध्या वेगवेगळ्या कारणांनी सतत चर्चेत आहेत. शिवसेनेत केलेल्या बंडखोरीनंतर ते सध्या सोशल मीडियावर सर्वाधिक चर्चेत राहिलेल्या आमदारांपैकी एक आहेत. त्यांनी अनेक वादग्रस्त विधानांचे कॉल रेकॉर्डिंग कार्यकर्त्यांच्या कॉल रेकॉर्डिंग सध्या सोशल मीडियावर धुमाकूळ घालत आहे. त्यांची अशीच एक रेकॉर्डिंग सध्या व्हायरल होत आहे. तिरुपती बालाजी येथील चेक पोस्टवर महाराष्ट्रातील वाहनावरील छत्रपती शिवरायांचे (Chhatrapati Shivaji Maharaj) स्टिकर व पुतळा काढण्यास भाग पाडत असल्याचा मुद्दा सध्या चर्चेत आहे. याच मुद्द्यावरून आमदार संतोष बांगर चांगलेच संतप्त झाले आहे. (MLA Santosh Bangar flared up in the case of contempt of Chhatrapati Shivaji Maharaj)

काही दिवसांपूर्वी तिरूमला तिरुपती देवस्थान येथे बालाजी भगवान यांच्या दर्शनासाठी गेलेल्या महाराष्ट्रातील भाविकांच्या गाडीवरील छत्रपती शिवरायांचे स्टिकर व गाडीत असलेला पुतळा काढल्याशिवाय तुम्हाला दर्शन घेता येणार नाही, अशी आडमुठी भूमिका तेथील चेक पोस्टवर घेण्यात आली. यामुळे महाराष्ट्रातील त्या शिवभक्ताने सदर घटनेचा व्हिडिओ सोशल मीडियावर टाकून दर्शन न घेता तो भाविक परत आला. या संदर्भात महाराष्ट्रात संतप्त प्रतिक्रिया उमटत आहेत. कळमनुरी विधानसभा मतदारसंघातील येहळेगाव तुकाराम येथील शिवभक्त शिवसैनिक संतोष काळे यांनी याबाबतीत आमदार संतोष बांगर साहेब यांना फोनवरून ही बाब सांगितली. त्यानंतर आमदार संतोष बांगर यांनी आक्रमक भूमिका घेतली आहे.

पोलीस होण्याचं स्वप्न अधुरं राहिलं, मैदानावर धावताना अचानक कोसळला अन्….
शिवभक्त शिवसैनिक संतोष काळे यांनी आमदार संतोष बांगर यांना ही माहिती दिल्यानंतर आमदार बांगर यांनी आक्रमक पवित्रा घेतला आहे. हे प्रकरण आपण महाराष्ट्र राज्याचे मुख्यमंत्री एकनाथ शिंदे यांच्या कानावर टाकले असून ते लवकरच याबाबतीत आंध्र प्रदेशच्या मुख्यमंत्र्यांशी बोलून यावर तोडगा काढतील असे बांगर यांनी म्हटले आहे.

टॉवरवर फाशी घेण्याचा प्रयत्न; कारण वाचून तुम्हीही कराल कौतुक
त्या गाड्या फोडून चुराडा करून टाकेन- आमदार बांगर

तसेच उभ्या देशाचे, महाराष्ट्राचे आराध्य दैवत आणि माझ्या देवाचा जर तिरुमला तिरुपती देवस्थानातर्फे अवमान होत असेल तर मी देखील आंध्र प्रदेशची एकही गाडी माझ्या भागात फिरू देणार नाही. माझ्या छत्रपतींचा अवमान करणाऱ्या आंध्र प्रदेशच्या गाड्या माझ्या भागात आल्या तर मी त्या गाड्या फोडून चुराडा करून टाकेन, असा सज्जड इशाराच आमदार बांगर यांनी यावेळी दिला.

संतोष बांगरांना बालेकिल्ल्यातच चितपट करण्याचा प्लॅन, ठाकरेंच्या डावाला आधीच काटशह?

LEAVE A REPLY

Please enter your comment!
Please enter your name here