raosaheb danve, पाय ठेऊ देणार नाही! शिंदे गटातील नेत्याला दानवेंचा धक्का; इतिहासाचा दाखला देत दाजींचा हिसका – bjp will not leave jalna lok sabha constituency says union minister raosaheb danve

अर्जुन खोतकर जालना लोकसभा मतदारसंघातून निवडणूक लढवण्यास उत्सुक असल्याचं बोललं जातं. आता खोतकर शिंदे गटात आले आहेत. राज्यात शिंदेंच्या नेतृत्त्वाखाली सरकार आहे. सरकारला भाजपचा पाठिंबा आहे. त्यामुळे खोतकरांना लोकसभा निवडणूक लढवायची असल्यास भाजपला मतदारसंघ सोडावा लागेल. रावसाहेब दानवे लोकसभेत जालन्याचं प्रतिनिधीत्व करतात.
अर्जुन खोतकर इतका घाबरट कधीपासून झाला? रामदास कदमांचा आक्रमक पवित्रा
पाय ठेऊ देणार नाही- दानवे
जालना लोकसभा मतदारसंघातून नऊवेळा भाजपचा विजय झाला. पाचवेळा रावसाहेब दानवे, प्रत्येकी दोनवेळा उत्तमसिंह पवार आणि पुंडलिकराव दानवे इथून विजयी झालेत. आम्ही ही जमीन वखरली, नांगरली, तिथे पेरणी केली. आता तिथून सगळा माल निघत असताना आम्ही तिथे कोणाला पाय ठेऊ देणार नाही. हा मतदारसंघ भाजपचा आहे. ती रावसाहेब दानवेंच्या बापाची जहागीर नाही. इथे हरिभाऊ उभे राहतील किंवा दुसरं कोणीतरी निवडणूक लढवेल. पण भाजप आपला मतदारसंघ सोडणार नाही. आम्ही ४५ वर्षे हा मतदारसंघ ताब्यात ठेवला नाही. तो दुसऱ्या पक्षाला देण्याचा प्रश्नच येत नाही, अशी स्पष्ट भूमिका दानवेंनी मांडली.