ED raids at Sanjay Raut house | ईडीच्या १० अधिकाऱ्यांचे पथक रविवारी सकाळी सात वाजता संजय राऊत यांच्या भांडूप येथील मैत्री बंगल्यावर दाखल झाले. यावेळी त्यांच्यासोबत सीआरपीएफच्या जवानांचा तगडा बंदोबस्त होता. आता जवळपास सहा तास उलटून गेल्यानंतरही संजय राऊत यांची चौकशी सुरु आहे. ईडीचे काही अधिकारी संजय राऊत यांच्या घरातील कागदपत्रेही तपासत आहेत.
हायलाइट्स:
- ईडीचे दिल्लीतील केंद्रीय अधिकारी हे मुंबईत दाखल झाले आहेत
- संजय राऊत यांना भांडुपहून चौकशीसाठी ईडीच्या कार्यालयात आणले जाऊ शकतेईडीच्या कार्यालयाकडे येणारे काही रस्ते बंद करण्यात आले
शनिवारी रात्री दिल्लीत मुख्यमंत्री एकनाथ शिंदे आणि अमित शाह यांची भेट झाली. एकनाथ शिंदे अचानकपणे दिल्लीला गेले होते. त्यानंतर शहा आणि शिंदे यांच्यात काही काळ चर्चा झाली. या भेटीत राज्यातील मंत्रिमंडळात कोणाला स्थान द्यायचे, याबाबत चर्चा झाल्याचाही अंदाज आहे. ही चर्चा आटोपल्यानंतर एकनाथ शिंदे हे पहाटे पाच वाजताच्या विमानाने पुन्हा महाराष्ट्राच्या दिशेने रवाना झाले. त्यानंतर एकनाथ शिंदे हे त्यांच्या नियोजित सभा आणि इतर कार्यक्रमांसाठी औरंगाबादमध्ये पोहोचले.
VIDEO: ईडी चौकशी सुरू असताना राऊत खिडकीत आले, कार्यकर्त्यांना हात दाखवला अन्…सहा तासांपासून संजय राऊत यांची चौकशी
ईडीच्या १० अधिकाऱ्यांचे पथक रविवारी सकाळी सात वाजता संजय राऊत यांच्या भांडूप येथील मैत्री बंगल्यावर दाखल झाले. यावेळी त्यांच्यासोबत सीआरपीएफच्या जवानांचा तगडा बंदोबस्त होता. आता जवळपास सहा तास उलटून गेल्यानंतरही संजय राऊत यांची चौकशी सुरु आहे. ईडीचे काही अधिकारी संजय राऊत यांच्या घरातील कागदपत्रेही तपासत आहेत. पत्राचाळ घोटाळा प्रकरणात काही आर्थिक व्यवहार संजय राऊत यांच्या पत्नी वर्षा राऊत यांच्या बँक खात्यातून झाले होते. त्यामुळे ईडीने वर्षा राऊत यांनाही काही प्रश्न विचारल्याची माहिती आहे. परंतु, ईडीच्या अधिकाऱ्यांना संजय राऊत यांच्याकडून समाधानकारक उत्तरे मिळत नसल्याची माहिती आहे. त्यामुळे ईडीचे अधिकारी पुढील चौकसीसाठी संजय राऊत यांना बॅलर्ड पिअर येथील कार्यालयात नेऊ शकतात. त्यामुळे संजय राऊत यांना अटक होण्याची दाट शक्यताही आहे.
संजय राऊतांवर कारवाई; ईडीचे २५ अधिकारी, थेट दिल्लीतून होतंय मॉनिटरींग, असं आहे फुलप्रूफ प्लॅनिंगकाहीवेळापूर्वीच ईडीचे दिल्लीतील केंद्रीय अधिकारी हे मुंबईत दाखल झाले आहेत. हे अधिकारी ईडीच्या बॅलर्ड पिअर येथील कार्यालयात आहेत. आता संजय राऊत यांना भांडुपहून याठिकाणी चौकशीसाठी आणले जाऊ शकते. त्यानंतर ईडीचे वरिष्ठ अधिकारी संजय राऊत यांची चौकशी करु शकतात. या पार्श्वभूमीवर सध्या ईडीच्या कार्यालयाबाहेरील बंदोबस्त वाढवला जात आहे. ईडीच्या कार्यालयाकडे येणारे काही रस्ते बंद करण्यात आले आहेत. याठिकाणी बॅरिकेडिंग करण्यात आले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : Marathi News from Maharashtra Times, TIL Network
