Sunil Raut made allegations on ED, मोठी बातमी; संजय राऊतांना ईडीची अटक; अटकेनंतर सुनील राऊतांचा ईडीवर गंभीर आरोप – sunil raut has made a serious allegation that sanjay raut was arrested by ed on the basis of false evidence

खासदार संजय राऊत हे भारतीय जनता पक्षासोबत लढत आहेत. शिवसेना भाजपविरोधात लढत आहेत. संजय राऊत आणि शिवसेनेचा हा आवाज दाबण्यासाठीच ही कारवाई करण्यात आल्याचे सुनील राऊत म्हणाले. जी कागदपत्रे राऊत यांनी आयकर विभागाकडे सादर केलेली आहेत, जी कागदपत्रे राज्यसभेत शपथपत्रासह सादर केली, तीच कागदपत्रे ईडीकडे आहेत. वेगळे असे कोणतेही पुरावे ईडीकडे नाहीत. मात्र, ईडीने संजय राऊत यांना अटक करण्यात यावी यासाठी खोटे पुरावे दाखवले आहेत, असे सुनील राऊत म्हणाले.

Sanjay Raut Arrested by ED : संजय राऊत यांना अखेर अटक, ईडी कार्यालयातील ८ तासांच्या चौकशीनंतर कारवाई
प्रत्येक शिवसैनिकातून संजय राऊत पैदा होईल- सुनील राऊत

राऊत यांच्या अटकेनंतर प्रसारमाध्यमांच्या प्रतिनिधींनी खासदार संजय राऊत यांचे भाऊ सुनील राऊत यांना घेरले. त्यावेळी राऊत हे प्रसारमाध्यमांशी बोलत होते. ते पुढे म्हणाले, खासदार संजय राऊत यांना अटक झाली असली तरी संजय राऊत जराही डगमगणार नाहीत. ते लढत राहणार. काहीही झाले तरी राऊत लढतच राहतील. काहीही झाले तरी संजय राऊत हे शिवसेना पक्षप्रमुख उद्धव ठाकरे यांना सोडणार नाहीत.

संजय राऊतांच्या घरातून साडे अकरा लाख जप्त, ईडीनं जप्त केलेल्या रकमेचा हिशोब लागला, सूत्रांची माहिती
आम्ही न्यायालयीन लढाई लढू. ईडीकडे कोणतेही पुरावे नाहीत. हा आवाज दाबण्याचा प्रयत्न आहे. आता पाहा, प्रत्येक शिवसैनिकात संजय राऊत निर्माण होतील. छत्रपती शिवाजी महाराजही एकटेच लढले. त्याच प्रमाणे संजय राऊत देखील लढतील, शेवटी सत्याचाच विजय होईल असेही ते म्हणाले.
शिवसेना खासदार राजन विचारेंचं दिवंगत आनंद दिघेंना भावूक पत्र, ‘साहेब ह्यांना कसं माफ करायचं?’