al qaeda leader ayman al zawahiri killed by america: अल कायदा संघटनेचा म्होरक्या अयमान अल जवाहिरीला ठार केल्याचा दावा अमेरिकेनं केला आहे. एका ड्रोन हल्ल्यात जवाहिरी मारला गेल्याचं अमेरिकेकडून सांगण्यात आलं आहे. २०११ मध्ये ओसामा बिन लादेनला कंठस्नान घालण्यात आलं. त्यानंतर अल कायदाला बसलेला हा सर्वात मोठा धक्का आहे.
अयमान अल जवाहिरी
७५ वर्षांत पहिल्यांदाच असं घडलं; पाकिस्तानात पोलिस उपअधीक्षकपदी प्रथमच हिंदू महिला
अमेरिकन गुप्तचर यंत्रणा सीआयएनं अफगाणिस्तानची राजधानी काबूलवर रविवारी ड्रोन स्ट्राईक केला. त्याच हल्ल्यात जवाहिरी मारला गेला. दहशतवादविरोधी कारवायांचा भाग म्हणून हा हल्ला करण्यात आल्याची माहिती एका वरिष्ठ अधिकाऱ्यानं नाव गुप्त राखण्याच्या अटीवर दिली. तालिबानचा प्रवक्ता जबीहउल्लाह मुजाहिदनं हल्ल्याच्या वृत्ताला दुजोरा दिला आहे. मुजाहिदनं या हल्ल्याचा तीव्र निषेध केला आहे. अमेरिकेनं केलेला हल्ला आंतरराष्ट्रीय करारांचं उल्लंघन असल्याचं त्यानं म्हटलं. काबूलमध्ये रविवारी सकाळी स्फोटांचा मोठा आवाज ऐकू आला. शेरपूरमधील एका घरावर रॉकेटनं हल्ला केला गेला. मात्र हे घर रिकामी असल्यानं कोणीही जखमी झालं नसल्याचं अफगाणिस्तानच्या गृह मंत्रालयाचा प्रवक्ता अब्दुल नफी तकोरनं सांगितलं.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
