Uday Samant Van attack by Shivsena | गाडीवर दगड मारून पळून जाणे, म्हणजे मर्दमुकी नव्हे. हल्ला करणाऱ्यांवर पोलीस कारवाई करतीलच. पण मला राज्यात शांतता हवी आहे, असे मुख्यमंत्री एकनाथ शिंदे यांनी म्हटले आहे. तर उदय सामंत यांनीही याप्रकरणात पोलीस ठाण्यात जाऊन तक्रार दाखल केली. गर्दीतील १२ ते १३ जणांनी माझ्या गाडीवर हल्ला केला.
हायलाइट्स:
- पुण्यातील शिवसैनिकही आक्रमक होताना दिसत आहेत
- शिवसैनिकांकडून भारती विद्यापीठ पोलीस ठाण्याबाहेर आंदोलन केले जाण्याची शक्यता
- पुण्यातील वातावरण आणखी तापण्याची शक्यता
पुण्यात राडा झाल्यानंतरही एकनाथ शिंदे रात्री उशीरा रुग्णालयात जुन्या मित्राच्या भेटीलाउदय सामंत यांनी मंगळवारी रात्री पोलीस ठाण्यात जाऊन हल्लेखोरांविरोधात तक्रार नोंदवली होती. यावेळी त्यांनी पोलिसांना हल्लेखोरांचे काही फोटोही दिले. त्यानंतर पुण्यातील भारती विद्यापीठ पोलिसांनी काल रात्रीच कारवाई सुरु केली. काल रात्रभरात पोलिसांनी पाच शिवसैनिकांना अटक केली आहे. पोलिसांनी या शिवसैनिकांवर कलम ३०७ नुसार गुन्हे दाखल केले आहेत. तसेच पुण्याचे शिवसेना शहर प्रमुख संजय मोरे यांनाही अटक करण्यात आली आहे. तसेच कात्रज चौकात आदित्य ठाकरे यांची सभा ठेवणाऱ्या आयोजकांवरही गुन्हा दाखल करण्यात आला आहे. काल रात्रभरात पोलीस अनेक शिवसैनिकांच्या घरी पोहोचले. त्यामुळे आता आणखी काही शिवसैनिकांना अटक होण्याची शक्यता आहे. तर दुसरीकडे शिवसैनिकांना बंडखोर आमदारांच्या गाड्या फोडण्यासाठी प्रोत्साहन देणारे हिंगोलीचे शिवसेना संपर्कप्रमुख बबन थोरात यांनाही पोलिसांनी बुधवारी सकाळी ताब्यात घेतले आहे. त्यांनादेखील अटक होण्याची शक्यता आहे.
मुख्यमंत्री शिंदे काय विचित्र मनुष्यप्राणी, गाव का बच्चा बच्चा जानता है… शिवसेनेची फटकेबाजीया सगळ्या प्रकारानंतर आता पुण्यातील शिवसैनिकही आक्रमक होताना दिसत आहेत. पोलिसांच्या कारवाईच्या निषेधार्थ शिवसैनिकांकडून भारती विद्यापीठ पोलीस ठाण्याबाहेर आंदोलन केले जाण्याची शक्यता आहे. त्यामुळे आता पुण्यातील वातावरण आणखी तापण्याची शक्यता आहे. तसेच या सगळ्या कारवाईचे धागेदोरे आता आदित्य ठाकरे यांच्यापर्यंत पोहोचणार, हेदेखील पाहावे लागेल.
बबन थोरात यांनी काय म्हटलं होतं?
बबन थोरात यांनी १ ऑगस्टला आक्रमक भाषण केले होते. यावेळी त्यांनी जिल्हाप्रमुख होऊ इच्छिणाऱ्या शिवसैनिकांना एक आवाहन केले होते. तुमच्या कार्यक्षेत्रात गद्दार आमदारांच्या गाड्या येतील. तेव्हा गद्दारांची गाडी जो शिवसैनिक पहिल्यांदा फोडेल त्याचा मातोश्रीवर उद्धव ठाकरे यांच्या हस्ते गौरव केला जाईल, असे बबन शिंदे यांनी म्हटले होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : Marathi News from Maharashtra Times, TIL Network
