MLA Uday Samant attak in Pune | मुख्यमंत्री एकनाथ शिंदे यांचा ताफा हडपसरवरून कात्रजकडे येत असताना मुख्यमंत्री तानाजी सावंत यांच्या निवासस्थानी भेट देणार होते. यांच्या ताफ्यामध्ये शिंदे गटाचे आमदार उदय सामंत हे देखील होते. मात्र, बिबवेवाडीच्या मार्गावर न जाता ते कात्रज कोंढवा रस्त्याने कात्रज चौकामध्ये आले. उदय सामंत हे मोहमद वाडी येथील कार्यक्रम आटोपून पुढे मुख्यमंत्र्यांचा ताफा सोडून पुढे निघाले होते.

 

हायलाइट्स:

  • उदय सामंत हे मुख्यमंत्र्यांचा ताफा सोडून पुण्यातील निसर्ग हॉटेलला जेवण्यासाठी निघाले होते
  • त्यांनी हॉटेल शोधण्यासाठी गुगल मॅपचा वापर केला
  • गुगल मॅप फॉलो करता करता उदय सामंत यांची गाडी कात्रज चौकात पोहोचली
पुणे: एकनाथ शिंदे गटाचे बंडखोर आमदार उदय सामंत यांच्या गाडीवर बुधवारी शिवसैनिकांनी हल्ला केला होता. त्यामुळे पुण्यातील वातावरण प्रचंड तापले आहे. उदय सामंत (Uday Samant) यांच्याकडून आपल्याला शिवीगाळ करण्यात आल्याचेही म्हटले होते. माझ्या गाडीवर हल्ला करणाऱ्यांच्या हातात हत्यारं होती, असेही उदय सामंत यांनी म्हटले होते. हे हल्लेखोर माझ्या गाडीचा पाठलाग करत असावेत, असा संशयही उदय सामंत यांनी बोलून दाखवला होता. परंतु, आता याप्रकरणातील दुसरी बाजू समोर आली आहे. काल उदय सामंत यांच्यावर हल्ला झाला तेव्हा ते नियोजित रस्ता सोडून दुसऱ्या मार्गाने गेल्यामुळे ते अलगदपणे जाऊन शिवसैनिकांच्या (Shivsena) तावडीत सापडले. उदय सामंत हे ठरलेल्या रस्त्याने गेले नसल्याच्या वृत्ताला पुणे पोलिसांकडून दुजोरा देण्यात आला आहे. (Attack on MLA Uday Samant van in Pune)
तानाजी सावंत निशाण्यावर, चुकून उदय सामंतांची गाडी फोडली? नेमकं काय घडलं?
सूत्रांनी दिलेल्या माहितीनुसार, उदय सामंत हे मुख्यमंत्र्यांचा ताफा सोडून पुण्यातील निसर्ग हॉटेलला जेवण्यासाठी निघाले होते. यावेळी त्यांनी हॉटेल शोधण्यासाठी गुगल मॅपचा वापर केला. मात्र, गुगल मॅप फॉलो करता करता उदय सामंत यांची गाडी कात्रज चौकात पोहोचली. त्याठिकाणी मार्ग वापरला होता मात्र त्या मार्गावरून जात असताना एक कात्रज चौकात पोहोचले. याठिकाणी उदय सामंत आयतेच शिवसैनिकांच्या ताब्यात सापडले.

मुख्यमंत्री एकनाथ शिंदे यांचा ताफा हडपसरवरून कात्रजकडे येत असताना मुख्यमंत्री तानाजी सावंत यांच्या निवासस्थानी भेट देणार होते. यांच्या ताफ्यामध्ये शिंदे गटाचे आमदार उदय सामंत हे देखील होते. मात्र, बिबवेवाडीच्या मार्गावर न जाता ते कात्रज कोंढवा रस्त्याने कात्रज चौकामध्ये आले. उदय सामंत हे मोहमद वाडी येथील कार्यक्रम आटोपून पुढे मुख्यमंत्र्यांचा ताफा सोडून पुढे निघाले होते. त्यावेळीच कात्रज चौकात त्यांच्या गाडीवर शिवसैनिकांकडून हल्ला झाला. या घटनेचे पडसाद आता राज्यभर उमटतात की काय असे परिस्थिती सध्या निर्माण झाली आहे. उदय सामंत यांच्यावर हल्ला करणाऱ्या पाच शिवसैनिकांना भारतीय विद्यापीठ पोलिसांनी अटक केली असून त्यांना कोर्टात हजर करण्यात येणार आहे.
Shivsena: उद्धव ठाकरे आता शेवटचा ‘एक्का’ वापरणार? तेजस ठाकरे राजकारणात सक्रिय होण्याचे संकेत
मुख्यमंत्री एकनाथ शिंदे आणि आदित्य ठाकरे यांच्या पुणे कात्रज येथे एकच वेळीच दौरा होता मुख्यमंत्री एकनाथ शिंदे हे आमदार तानाजी सावंत यांच्या निवासस्थानी जाणार होत आणि आदित्य ठाकरे यांची सभा कात्रज चौकात होणार होती ही सभा झाल्या नंतर उदय सामंत यांच्या ताफा कात्रज चौकात पोहचला. त्यावेळी जमलेल्या सभेतल्या लोकांनी उदय सामंत यांच्या गाडीवर हल्ला केला. यावर मुख्यमंत्री एकनाथ शिंदे यांनी हा भ्याड हल्ला असल्याची प्रतिक्रिया दिली होती.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network

LEAVE A REPLY

Please enter your comment!
Please enter your name here