Maharashtra Parbhani Latest Accident News : नांदेडवरून मुंबईकडे जाणाऱ्या तपोवन एक्सप्रेस या धावत्या गाडीतून परभणी शहरातील प्ररसावत नगर येथे ३० वर्षीय युवक पडून गंभीर जखमी झाला आहे. या युवकाचा जीव तर वाचला आहे. मात्र, शरीरापासून आख्खा पाय वेगळा झाल्याने त्याचे संपूर्ण आयुष्य उध्वस्त झालं आहे.
हायलाइट्स:
- नांदेडवरून मुंबईकडे जाणाऱ्या धावत्या रेल्वेतून पडला तरूण
- परभणीमधील धक्कादायक अपघाताची बातमी
- तरूणाचा जीव वाचला पण आयुष्य उध्वस्त झालं
नांदेडवरून मुंबईकडे जाणारी तपोवन एक्सप्रेस परभणी रेल्वे स्थानकावरून निघाल्यानंतर परभणी शहरातील प्ररसावत नगर परिसरात गाडी गेली असता. औरंगाबाद येथील ३० वर्षीय युवक धावत्या गाडीतून खाली पडला. यावेळी गाडीखाली येऊन युवकाचा एक पाय शरीरापासून तुटून बाजूला झाला. अपघाताची माहिती रेल्वे पोलिसांना मिळाल्यानंतर पोलीस कर्मचारी अविनाश डावरे यांनी तात्काळ घटनास्थळी धाव घेऊन गंभीर जखमी झालेल्या युवकाला उपचारासाठी परभणी जिल्हा सामान्य रुग्णालयात दाखल केले.
मोदी-उद्धव ठाकरेंचं बोलण झालं होतं, पण ‘त्या’ एका गोष्टीमुळे सगळं फिस्कटलं: केसरकर
पोलीस कर्मचारी दासराव मिरासे यांनी घटनास्थळाला भेट देऊन पंचनामा केला. सदरील युवक औरंगाबाद येथील असल्याची प्राथमिक माहिती रेल्वे पोलिसांना मिळाली आहे. त्या आधारे युवकाच्या नातेवाईकांचा शोध घेतला जात आहे. यासोबतच रेल्वे पोलिसांकडून ओळख पटवण्याचे काम केले जात आहे. दरम्यान अपघातामध्ये युवकाचा एक पाय शरीरापासून वेगळा झाल्याने सदरील युवकाचे संपूर्ण आयुष्य उध्वस्त झालं आहे.
CWG 2022, 8th Day, Live: राष्ट्रकुल क्रीडा स्पर्धेच्या आठव्या दिवसाचे लाइव्ह अपडेट
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : Marathi News from Maharashtra Times, TIL Network
