theft in shop, VIDEO: अवघ्या १५ सेकंदांत २ मोबाईल लंपास; हातचलाखी पाहून चक्रावून जाल; चोरी CCTVमध्ये कैद – thief stole 2 mobiles from electronic shop in badlapur theft recorded in cctv

बदलापूर पश्चिमेच्या मांजर्ली स्मशानभूमीसमोर एस. एम. इलेक्ट्रॉनिक आणि हार्डवेअर दुकान आहे. या दुकानात दुपारच्या सुमारास एक इसम वजनकाटा खरेदीच्या बहाण्याने आला. दुकानदार महिला त्याला वजनकाटा दाखवत असताना त्यानं तिची नजर चुकवून दोन मोबाईल लंपास केले. अवघ्या १५ सेकंदांत चोरट्यानं दोन मोबाईलवर डल्ला मारला. त्यानंतर एटीएममधून पैसे काढण्याच्या बहाण्याने तो तिथून पसार झाला.

चोरीची घटना दुकानातील सीसीटीव्ही कॅमेऱ्यात कैद झाली. त्यामध्ये चोरटा अगदी शिताफीनं मोबाईल चोरताना दिसत आहे. हातात निळ्या रंगाचा टब घेऊन त्याच्या मागून चोरट्यानं बोलता बोलता दोन मोबाईल चोरले. याप्रकरणी बदलापूर पश्चिम पोलीस ठाण्यात गुन्हा दाखल करण्यात आला असून पोलीस सीसीटीव्हीच्या आधारे या चोरट्याचा शोध घेत आहेत.