rare birds killed, धक्कादायक प्रकार! भर शहरात दुर्मीळ पक्ष्यांची शिकार; तरुणाचा व्हिडीओ व्हायरल – rare birds killed in chandrapur video of youth goes viral on social media

वन्यजीवांचा मोठा अधिवास असलेल्या चंद्रपूर जिल्ह्यात शिकारीचे प्रमाण वाढले आहे. वाघ, तृणभक्षक प्राण्यांचा शिकारीचा अनेक घटना उघळकीस आल्या आहेत. आता मात्र या जिल्ह्यातील पक्षीसुद्धा सुरक्षित नसल्याचा धक्कादायक प्रकार समोर आला. थेट शहरातच पक्ष्यांची शिकार केल्या जात असल्याचा व्हिडीओ समाज माध्यमात व्हायरल झाला आहे.
दहा दिवसांपूर्वी घर सोडले; बूट विकायला निघाले; नागपूरच्या जोडप्यासोबत वर्ध्यात आक्रित घडले
शिकार केलेले पक्षी राजरोसपणे हातात घेऊन तरुण जात आहे. त्याचा चेहऱ्यावर कुठलीच भीती दिसत नाही. उलट हा तरुण व्हिडीओ काढणाऱ्या तरुणालाच धमकावत आहे. “फोटो मत निकाल बोला ना तेरे को! समझ नही आ रहा क्या..! एकबार बताया तो…!’, अशा शब्दांत पक्षी घेऊन जाणारा तरुण व्हिडीओ काढणाऱ्यावर दमदाटी करत आहे.
एसटी बसमधील घंटी वाजवण्याच्या दोरीनं चालकानं घेतला गळफास; डेपोमध्ये एकच खळबळ
व्हिडीओ काढणाऱ्यानं हा व्हिडीओ वन्यजीवांच्या संवर्धनासाठी काम करणाऱ्या संस्थेच्या अधिकृत व्हॉट्स ऍप ग्रुपमध्ये शेअर केला. हा व्हिडीओ आज काढल्याचे त्यानं नमूद केलं आहे. राजीव गांधी कॉलेजच्या अगदी समोर असलेल्या वस्तीकडे हा तरूण गेल्याचे व्हिडीओ शूट करणाऱ्यानं लिहिलं आहे. या प्रकाराने एकच खळबळ उडाली आहे.