rakesh jhunjhunwala, बाजारात उलथापालथ, पण झुनझुनवाला एकदम ओक्केमध्ये; जाणून घ्या ‘बिग बुल’ची स्ट्रॅटर्जी – how rakesh jhunjhunwala guarded his portfolio amid the turmoil know his strategy

राकेश झुनझुनवाला हे नाव कायमच चर्चेत असतं. बाजार त्यांच्या प्रत्येक हालचालीवर लक्ष ठेवून असतो. सर्व विश्लेषक त्यांची रणनीती समजून घेण्याचा प्रयत्न करतात. एप्रिल-जूनमध्ये बाजारात बरीच अस्थिरता होती. तेव्हा राकेश झुनझुनवाला यांच्या पोर्टफोलिओमध्ये कमी-अधिक प्रमाणात कोणताही बदल झालेला दिसला नाही.

भारताचे वॉरेन बफेट म्हणून ज्येष्ठ गुंतवणूकदार राकेश झुनझुनवाला यांना संबोधले जाते. त्यांच्या युक्तीची, सुज्ञपणाची उदाहरणे दिली जातात, याचा प्रत्यय पावलोपावली आला आहे. त्यांच्या या युक्तीचा पुन्हा एकदा प्रत्यय आला आहे. चालू असलेल्या वार्षिक वर्षाच्या पहिल्या तिमाहीत म्हणजेच एप्रिल ते जून या कालावधीत बाजारात बरीच अस्थिरता होती. यामुळे भयभीत होत अनेकजण बाजार सोडून गेले होते. तर याच कालावधीत राकेश झुनझुनवाला एकदम शांत होते. त्यांच्या गुंतवणूकीच्या पोर्टफोलियोमध्ये (Investment Portfolio)हे दिसून येते. या काळात त्यांच्या पोर्टफोलियोमध्ये कमी अधिक प्रमाणात कोणताही बदल जाणवला नाही. बाजारातील अस्थिरतेच्या काळात एखाद्याने जास्त उत्साही नाही झाले पाहिजे, ही अनेकदा सांगितली गेलेली गोष्ट त्यांच्या बाबतीत खरी ठरली. या दरम्यान मुंबई शेयर बाजाराचा सेन्सेक्स आणि राष्ट्रीय शेयर बाजाराचा निफ्टी ९ टक्क्यांहून अधिक घसरला. महागाईची चिंता आणि विदेशी पोर्टफोलियो गुंतवणूकदारांच्या उदासीनतेमुळे हे घडले. त्यावेळेस एफपीआयने देशांतर्गत बाजारात जोरदार विक्री केली. या घसरणीमुळे गुंतवणूकदारांचे सुमारे २० लाख कोटी रुपयांचे नुकसान झाले.
प्राप्तिकर रिटर्न भरताना क्रिप्टो फायद्यांचा उल्लेख नसेल तर बसेल मोठा दंड, कसे टाळायचे ते? जाणून घ्या
झुनझुनवाला यांनी केलेली खरेदी-विक्री
राकेश झुनझुनवाला यांच्या प्रत्येक हालचालीवर बाजार नजर ठेवून असते, यामागे कारण देखील तसेच आहे. ते ज्या ठिकाणी गुंतवणूक करतील तिथे खेळ पालटतो. नेहमीच आक्रमकता योग्य नसते, हे देखील त्यांच्याकडून शिकता येईल. काही वेळा शांत राहणे अगदी योग्य ठरते. कॉर्पोरेट डेटाबेस एस इक्विटीनुसार, आर्थिक वर्ष २०२२-२३ च्या पहिल्या तिमाहीत झुनझुनवाला यांचा सर्वात मोठा सट्टा टायटनवर होता. यामध्ये झुनझुनवाला आणि त्यांची पत्नी रेखा यांची ५.०५ टक्के भागीदारी होती. २६ जुलै २०२२ पर्यंत झुनझुनवाला यांच्या पोर्टफोलियोमध्ये टायटनचे एकूण मूल्य अंदाजे १०,३०० कोटी रुपये इतके होते. स्टार हेल्थमध्ये त्यांची भागीदारी १४.३९ टक्के होती. म्हणजेच त्यात कोणताही बदल झालेला नव्हता. फोर्टीस हेल्थकेयरमध्ये ४.२३ टक्के, कॅनरा बँकेत १.९६ टक्के आणि क्रिसीलमध्ये २.९२ टक्के इतकी त्यांची भागीदारी होती. त्यांच्या पत्नीकडे स्टार हेल्थमध्ये ३.१० टक्के आणि क्रिसीलमध्ये २.६५ टक्के भागीदारी होती. म्हणजेच त्यांच्या पोर्टफोलियोमध्ये फारसा बदल झालेला नाही.
अनिवासी भारतीयांसाठी RBI ची मोठी घोषणा; आता भारतातील कुटुंबीयांची बिलं थेट भरता येणार
झुनझुनवाला यांची गेल्या तिमाहीत एकमेव खरेदी मिड – कॅप कंपनी एस्कॉर्टस कुबोटा होती. यामध्ये त्यांनी १.३९टक्के हिस्सा खरेदी केला होता. याउलट, जून तिमाहीत त्यांनी टाटा मोटर्सचे ३ दशलक्ष शेयर्स विकले. त्यांनी इंडियाबुल्स हाऊसिंग फायनान्समधील त्यांचा हिस्सा १.२८ टक्क्यांवरून १.१७ टक्क्यांवर आणत कमी केला. डेल्टा कॉर्प, इंडियाबुल्स रियल एस्टेट, नाल्को आणि टीव्ही 18 ब्रॉडकास्टमधील त्यांची भागीदारी १ टक्क्यांनी घसरली.

उलथापालथ झालेली असतानाही झुनझुनवाला आणि त्यांची पत्नीजवळ २६ जुलैपर्यंत २७,३०० कोटी रुपयांचे शेयर्स होते. ३० जून २०२२ पर्यंत या दोघांची ३० पेक्षा जास्त कंपन्यांमध्ये भागीदारी होती. तर २०२१-२२ या आर्थिक वर्षाच्या चौथ्या तिमाहीत शेवटी त्यांची संख्या ३५ होती.

गुंतवणूकदारांनी काय केले पाहिजे?
बहुतेक तज्ञ गुंतवणूकदारांना नेहमी एक सल्ला देतात, ते सांगतात की मोठ्या गुंतवणूकदारांच्या मागे कधी ही धावू नये. अशी रणनिती आखल्याने आपल्याला नुकसानाला सामोरे जावे लागते. गुंतवणुकीचे वाटप आणि त्याच्या उपयोजनाचे तर्क यासंबंधी संपूर्ण डेटा कधीही उपलब्ध नसतो, हे यामागील कारण आहे. प्रत्येक गुंतवणूकदाराचे स्वतःचे ध्येय, उद्दीष्ट असते. हे उद्दीष्ट साध्य करण्याची कालमर्यादा देखील वेगवेगळी असते आणि जोखीम उचलण्याच्या क्षमतेतही फरक असतो. त्यामुळे या सर्व गोष्टी लक्षात घेऊन आणि यांचा योग्य तो अभ्यास करून गुंतवणुकीचा निर्णय घ्यावा.