Hasan Mushrif vs Samarjit Singh Ghatge | जवळपास १००० पेक्षा अधिक महिला आणि पुरुष मोठ्या संख्येने यामध्ये सहभागी झाले असून हातातील फलक लक्षवेधी ठरत आहेत. तसेच आमदार हसन मुश्रीफ (Hasan Mushrif) यांच्या कार्यकर्ते प्रकाश गाडेकर (Prakash Gadekar) यांनी महिलेविरोधात बेताल वक्तव्य केल्याने त्यांचा प्रतीकात्मक पुतळा संतप्त महिलांनी दहन केला आहे.
हायलाइट्स:
- प्रकाश गाडेकर यांनी घाटगे यांच्या पत्नी विरोधात एकेरी भाषा वापरली
- घोषणांनी परिसर दणाणून सोडला
- हसन मुश्रीफ गटाकडून प्रत्युत्तर दिले जाऊ शकते
आमदार मुश्रीफ यांच्या फेसबुक पेजवरून प्रकाश गाडेकर यांनी घाटगे यांच्या पत्नी विरोधात एकेरी भाषा वापरल्याचा निषेधार्थ जोरदार घोषणाबाजी केली. या घोषणांनी परिसर दणाणून सोडला आहे. जवळपास १००० पेक्षा अधिक महिला आणि पुरुष मोठ्या संख्येने यामध्ये सहभागी झाले असून हातातील फलक लक्षवेधी ठरत आहेत. तसेच आमदार हसन मुश्रीफ यांच्या कार्यकर्ते प्रकाश गाडेकर यांनी महिलेविरोधात बेताल वक्तव्य केल्याने त्यांचा प्रतीकात्मक पुतळा संतप्त महिलांनी दहन केला आहे. आता या निषेध मोर्चाला हसन मुश्रीफ गटाकडून प्रत्युत्तर दिले जाऊ शकते. त्यामुळे कोल्हापूरमधील वातावरण आणखी तापण्याची शक्यता आहे.
गेल्या काही दिवसांपासून कागल तालुक्यात समरजीतसिंह घाटगे आणि हसन मुश्रीफांमधील राजकीय संघर्ष तीव्र झाला आहे. आगामी विधानसभा निवडणुकीच्यादृष्टीने दोन्ही बाजुंकडून एकमेकांवर टीका केली जात आहे. समरजीतसिंह घाटगे यांनी नुकतीच मुश्रीफ यांच्यावर टीका केली होती.कागलमधील दादागिरीची भाषा आता जनताच बंद करणार आहे. राज्यपालांच्या आशीर्वादाने नव्हे तर हसन मुश्रीफ यांचा पराभव करूनच आपण आमदार होणार असल्याचे सांगत हसन मुश्रीफ यांना डिवचले होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : Marathi News from Maharashtra Times, TIL Network
