radhakrishna vikhe patil, निरोप आला, बडा नेता मुंबईच्या दिशेनं निघाला; शिंदे सरकारमधील पहिला मंत्री ठरला? – bjp leader radhakrishna vikhe patil leaves from shirdi ahead of cabinet expansion

काही वेळापूर्वीच उपमुख्यमंत्री देवेंद्र फडणवीस हे शिंदे यांच्या ठाण्यातील नंदनवन बंगल्यावर गेले आहेत. याठिकाणी दोन्ही नेत्यांमध्ये मंत्रिमंडळातील सदस्यांची नावे अंतिम करण्याबाबत चर्चा होऊ शकते. राज्य मंत्रिमंडळाचा विस्तार उद्या सकाळी होण्याची शक्यता आहे. या पार्श्वभूमीवर भाजप नेते राधाकृष्ण विखे-पाटील यांना मुंबईहून निरोप आल्याचं समजतं. त्यानंतर राधाकृष्ण विखे पाटील नगरहून मुंबईसाठी रवाना झाले. मुंबईला रवाना होण्यापूर् त्यांनी शिर्डीत साईबाबांचं दर्शन घेतलं.
फडणवीस शिंदेंच्या भेटीसाठी नंदनवन बंगल्यावर, उद्या सकाळी ११ वाजता मंत्रिमंडळाचा विस्तार?
कोण आहेत राधाकृष्ण विखे-पाटील?
राज्यात फडणवीस सरकार असताना विधान राधाकृष्ण विखे-पाटील विरोधी पक्षनेते होते. जून २०१९ मध्ये, विधानसभा निवडणुकीच्या तोंडावर त्यांनी भाजपमध्ये प्रवेश केला. काँग्रेसमध्ये असताना त्यांनी गृहनिर्माण, परिवहन, शिक्षण मंत्री ही पदं भूषवली आहेत. ते विधानसभेत शिर्डी मतदारसंघाचं प्रतिनिधीत्व करतात.
मोठी बातमी : विधिमंडळ सचिवांनी बोलावली तातडीची बैठक; अखेर मंत्रिमंडळ विस्ताराला मुहूर्त मिळाला?
का रखडला मंत्रिमंडळ विस्तार?
देवेंद्र फडणवीस आणि एकनाथ शिंदे हे कालच दिल्लीतून परतले होते. त्यांच्या दिल्लीवारीत भाजप श्रेष्ठींकडून मंत्रिमंडळ विस्तारासाठी हिरवा कंदील मिळाल्याची शक्यता आहे. एकनाथ शिंदे गटाच्या १६ आमदारांच्या अपात्रतेचा मुद्दा अद्याप सर्वोच्च न्यायालयात प्रलंबित आहे. या प्रकरणात सुप्रीम कोर्ट सातत्याने सुनावणीसाठी पुढील तारखा देत आहे. त्यामुळे शिंदे-फडणवीस सरकारचा मंत्रिमंडळ रखडल्याचे सांगितले जात होते. मात्र, आता अधिक विलंब केल्यास जनतेमध्ये नकारात्मक वातावरण निर्माण होऊ शकते. त्यामुळे १५ ऑगस्टपूर्वी शिंदे-फडणवीस सरकारचा छोटेखानी मंत्रिमंडळ विस्तार होऊ शकतो, अशी माहिती सूत्रांनी दिली होती.