निरोप आला, बडा नेता मुंबईच्या दिशेनं निघाला; शिंदे सरकारमधील पहिला मंत्री ठरला?
पहिल्या टप्प्यात ९ माजी मंत्र्यांना संधी देण्याचा शिंदे यांचा मानस होता. शिंदे यांनी बंड केल्यानंतर ९ मंत्र्यांनी त्यांना साथ दिली. त्या सगळ्यांना पहिल्या टप्प्यात मंत्रिपदं मिळावीत असा शिंदे यांचा मानस होता. मात्र यातील २ ते ३ जणांना पहिल्या टप्प्यात मंत्रिपदं दिलं जाणार नसल्याचं कळत आहे. यातील एक नाव अब्दुल सत्तार यांचं असण्याची शक्यता आहे.
शिक्षक पात्रता परीक्षेच्या (टीईटी) घोटाळा प्रकरणात माजी मंत्री अब्दुल सत्तार यांचं नाव समोर आलं आहे. परीक्षा परिषदेकडून जी यादी जाहीर करण्यात आली आहे, त्यामधील सर्व अपात्र असणाऱ्या लोकांनी पात्र होण्यासाठी पैसे दिले होते. मात्र अपात्र उमेदवारांना पात्र असण्याचे प्रमाणपत्र मिळालं नव्हतं. या उमेदवारांमध्ये आता अब्दुल सत्तार यांच्या मुली हिना आणि उजमा यांची नावं असल्याचं समोर आलं आहे. या दोघींचीही प्रमाणपत्रं रद्द करण्यात आल्याचंही समजतं.
फडणवीस शिंदेंच्या भेटीसाठी नंदनवन बंगल्यावर, उद्या सकाळी ११ वाजता मंत्रिमंडळाचा विस्तार?
मंत्रिमंडळ विस्तारात स्वच्छ नेत्यांनाच संधी देण्याबद्दल शिंदे आणि फडणवीस यांचं एकमत झालं आहे. त्यामुळे सत्तार यांचा पत्ता कापला जाण्याची दाट शक्यता आहे. सत्तार यांच्यासोबत आणखी काही जणांचा पत्ता कापला जाऊ शकतो. शिंदे यांच्या गटाला फारशी महत्त्वाची खाती दिली जाणार नाहीत. अर्थ, गृह, महसूल यांच्यासारखी महत्त्वाची खाती भाजपकडे असतील. पैकी महसूल मंत्रालय मिळवण्यासाठी शिंदे आग्रही आहेत.
